盛女戀愛大過天？
TVB新出爐的盛女愛作戰， 題材夠晒noise， 相信一出街就會同之前港台製作的中女主題節目同樣收得。 睇完第一集， 除左對五位主角即將面對的考驗充滿好奇之外（無可否認， 人皆有八掛之心）， 相信唔少人同我一樣亦被節目入面 speed dating 那 part 嚇了一跳。 被標籤「港女」的香港自主女性俾人批評要求過高是老生常談， 但最恐怖的是 speed dating 搞手話30歲的港女應該要認清 「現今的潮流／真相／現實」， 事關近年有批25歲的新血「湧現」， 而節目入面更有年僅20出頭的美少女參加 speed dating， 原因就係驚30歲都冇人要!! 天呀， 20 歲咋， 以前有老掉牙作文題目「中學生不應談戀愛」， 依家分分鐘聽日社評係「大學生已屬太遲搵老公」。 真係唔知呢個咩世代， 20 歲不是去自我爭值或者熱血貢獻社會， 而去諗就算有學識有事業，但只要老了就冇人要，所以要襯早搵男人。 唔通我地真係細細個就俾人灌輸一種死都唔可以輸喺起跑線的鬥快心態？- Packy-
現今世代真的甚麼都講求快，BB未出世就要為他報學校，人有你無絕對是一大錯失，以前聽《戀愛大過天》當是休閒娛樂，現在是道理，這樣的觀念己開始潛移默化在各人心中，亦同時將我們的目光縮窄，變了一事無成，唯有戀愛才可變精英。
但稍為退後一步，就能看清現今社會遊戲規則，剩女盛女都是文字推銷把戲 ，認真就輸了。若真的如報導所指，Mandy是媒，現實中的她不乏男伴，又可否引證現實中要找剩女也並非易事，又或是女人不一定覺得單身是末日，非要受所謂的專家指指點點不可。
