loveAimee66 發表於 2011-12-12
用後感

密密敷Barrier Repair的BB MASK,我要變做BB肌

入冬以後,面仔成日被風吹到好乾燥
所以一定要勤D做護膚
仲要敷多D MASK先夠,一定唔懶得呀
而近呢兩年我買得最多O既都係呢隻Barrier Repair的BB MASK

除了因為佢個BB樣可愛之外
最緊要係價錢平,通常都賣$69左右,一盒有5塊
佢O既效果都算不錯
而且佢仲係低刺激處方,也通過皮膚測試,就算面仔爆拆時敷
都唔會吉吉痛,加上是無香料,無色素,無防腐劑的

我通常都係買極潤呢款
 

但其實佢仲有水潤同骨膠原共3款的

先開個極潤試俾大家睇
呢走係含有高滲透性的透明質酸,也有骨膠原
所了除了極潤,仲有緊緻功效
雖然佢話係無香料,但我次次開出O黎都聞到D好似草餅味咁,哈哈
佢O既剪裁其實都幾好O架
連眼都有剪開小角,而下巴仲直情剪開添


小顏大顏都一樣O岩,一樣貼面
 

不過如果鼻果部份大D就好LU,鼻翼邊邊位敷唔到啊
 

講到敷MASK,我最鍾意就係沖涼果時敷
因為有蒸氣幫助嘛,而且又省時
另外早上敷都唔錯O架
至於次數呢,冬天時最少每隔2天我便要敷一次
乾得滯時,我還會晚晚敷添
睇O下,今天又返風了
我又吹到甩皮了 (連皺紋都出埋添,救命呀!!)
 

所以呢,又要敷一敷喇
今次就試下橙色包裝骨膠原呢隻啦
 

其實味道同極潤都是一樣的…….草餅味,哈哈!
一樣有著高滲透骨膠原,淡化細紋
 
 

敷完之後呢,面仔都飲飽水LU,好水潤啊
 

連之前乾到脫皮及有乾紋的位置都轉好了
 

雖然呢款係極緻骨膠原,但都依然水潤保水
我開始喜歡用呢款添
而且我覺得今年比以前更多地方有賣這個MASK
除了化妝品店,屋企樓下D個人護理連鎖店都一樣有售
很容易找到的啊,價錢就間間差不多的

謝謝收看