gmgm 發表於 2011-11-11
產品評分
用後感
好開心可以參予由沙宣與Qooza合辦的「變、變、變 化身迷人Pink Angel」產品試用工作坊,知道抽中果一刻,真係開心死我呀,最後不負所望,係工作坊學到好多野呀~^^ (自己做唔做到又另一件事, 哈哈,但至少學識左正確用法及技巧!!)
工作坊分兩天進行,我係參加10月27日第二晚既試用,當晚仲相約左yoyo一齊到太子添 ^^
去到簽完名後,就立即收到一袋好pink既產品,以方便一陣教學
打開盒子,內有
· 36毫米陶瓷直髮板，用於塑造順滑、有光澤的秀髮造型
· 36毫米陶瓷波浪造型板，為秀髮塑造持久的波浪紋
· 25毫米陶瓷塗層捲髮棒，用於塑造自然豐盈的鬈髮
· 19毫米陶瓷塗層捲髮棒，用於塑造輕柔波浪的鬈髮
· 19毫米螺旋套筒，用於塑造螺旋鬈髮
· 19毫米刷梳套管，用於秀髮定型和造型
· 獨特手柄設計，零活轉換配件，讓你操控自如
· 隔熱袋
· 髮廊髮夾
由於活動七時開始,可以大家都放工放學後出席,大會都好貼心咁準備左野食飲品比我地,真好 ^^
好啦,入正題 ^^
專業髮型師Marco為我地講解產品用法,Marco仲寫低晒我地提出既問題,咁就可以順住我地既問題教學兼解答埋,跟住就即場造型示範
專業果然專業! Marco好輕鬆咁幫model整左個捲得好靚好自然既頭 (睇到我不停講”好靚好犀利”……^^”)
當晚都動用左好多個model呀 ^^
幸好今次可以參予咋,如果唔係都唔知道,平時見到人捲既時候,髮尾成日向天原來係錯架,髮尾應該要向下(兼且夾既時候向內夾),咁捲完就唔會好奇怪咁翹起架啦!
同埋頭髮要百分百乾透至好捲 (哈哈,依個係提我自己,因為….我咁都唔知 =.= 你話我係咪好應該要上依個工作坊呢 ^0^)
另外,夾緊果時hold住係靠手,而唔係靠個捲髮棒!
臨完結活動前,Marco就教授set頭造型技巧,就算髮量不多,我諗都可以做到依個效果,可惜動作太快啦,我睇唔切學唔切!!!! 呀~~~~!!!>.<
(又係我另一驚叫”好靚好犀利”既時刻…=.=)
講開set頭,不得不提一下這個夾(…唔知佢叫咩添>.<),因為當晚Marco提到經常遠看好多女孩,頭髮造型是ok的,但走近看就………好多一支支夾露左出黎,影響外觀… 所以就好靠依個U形既夾幫手,佢既用法係同一支支既髮夾無異,只係除左將頭髮夾得穩之餘,係近距離睇,都唔會察覺到有個夾係度!!! ^0^
本身係咁既:
兩邊只要屈曲成咁形狀就用得啦 ^^
是日活動就咁完結啦^^ 接住落黎,就係我用沙宣陶瓷10合1造型器練習練習啦 ^^
我…除左返人生第一份工走左去電個曲髮後,其他時間都係拉直既,有時都真係覺得個髮型幾悶架…. 同埋唔知你地又有好似我咁,曲髮時就好想整直髮,短髮時就好想留長髮,幾經辛苦留左把長髮,又pp痕想剪短晒佢…(果下好想打自己一搥 ^^”)
但宜家有左沙宣造型器,就算我pp再幾痕都唔緊要啦,因為想直就夾直,想曲就夾曲(想剪短除外,哈哈),熟手就更好啦,每日都可以用唔使好耐既時間做唔同造形返工去街,唔會咁沉悶…^^ (我要練習多d~~~)
第一次自己夾,好緊張,每夾一下,雖然都不斷浮現著當晚教學既情景….但最後夾出黎既效果……………..嗚….失敗了..
“失敗乃成功之母,況且我第一次用依D捲髮棒,效果已經算唔錯……” 安慰自己說…=.=
過左兩三日,又急不及待拿來玩,今次仲有家姐比我做”實驗” (家姐真好,哈哈 ^3^)
結果：自覺有比第一次好! ^0^ (是因為家姐髮量比我少的關係嗎?可惜忘記拍照…)
開始玩上癮啦,加上睇左髮型師email既教學影片,過了兩三日,又再試夾,今次真係順手好多,開始知自己要點整,而且好快手就搞掂 ^^
而以下依三張就新鮮滾熱辣,夾完即刻出文啦 ^0^
用手輕輕整開就...
希望再練多d之後可以變成咁令令既髮型啦 ^^
沙宣陶瓷10合1造型器有負離子功能,亦即係話夾完既頭髮無咁死,唔會咁硬”班班”
最後提一提大家,如果你覺得屋企既捲髮棒污糟,咁只要用濕潤毛巾將機身擦拭乾淨就可以了!
寫blog後第一次抽中出席工作坊,再一次多謝LadyQooza,希望日後可以有更多機會參予工作坊啦 ^3^
