TingTingTsang 發表於 2013-05-21
用後感講起Regene 就唸起讀書個陣，每個月都會去進貢幾百至千元，它家滿額禮品很多，都好好用，仲係屋企樓下就有間，想唔敗家都難。
今次試用最新牛乳白滑亮肌護理系列，來得好合時，因為我最近愛上行山做運動呢，美白功夫不可少！
不過美白同保濕對我同樣重要，當然想一次過做到多功效啦！
全套牛乳白滑亮肌護理系列一共六款產品，呵呵乳牛包裝好可愛，引人注目！＊
這款牛乳白滑潔面泡泡一按即出，唔駛再搓起泡好方便，樽口位要比較用力按。
清潔能力好又唔會乾爭爭，洗完好滑，比其他品牌同類洗面產品效果佳又補濕。但有個缺點係澀眼，每次用新潔面品都習慣打開眼試，美中不足吧，所以都會合起眼洗就ok！：）
牛乳白滑保濕爽膚水，我愛用綿花敷多過抺上面，敷幾分鐘濕涼涼好舒服，效果即時明顯亮白了。
依款唔覺有酒精，抺上黎補濕感較重，唔似清潔肌膚個款toner，好用呀。
牛乳白滑亮眼精華質感較水，延伸性佳，非常好推，用黎按摩舒緩眼睛一流。
而且吸收快，應該唔會出現過份滋潤而出油脂粒，夏天用非常合適喔：）
牛乳白滑活肌修護霜介乎乳液及cream狀之間，唔會太潤，好好推，幾適合按摩用。
晚間冷氣之下待整晚剛剛好，表現不過不失。
輪到牛乳白滑水盈嫩膚面膜啦，哈哈regene的面膜係我最愛，差唔多款款都有用，因為都針對不同肌膚需要及效果而設，重點修護嘛！
哈哈講返依款洗淨式面膜，附有小掃，好有用，面膜推得較均勻，掃下掃下好得意∼XD
面膜帶厚身乳液狀質感，敷10分鐘就搞掂，敷上面好舒服呀，整個過程好享受呢！
敷完皮膚好幼滑呀，補濕同亮白效果都做得好好，我會keep住勤力用佢＞ｖ＜
最後到牛乳白滑透光淨亮乳液SPF 15PA++
奶白色乳液狀，容易推開，防曬度低，室內還可以，但夏天太陽好猛，加上愛戶外運動都唔足夠＞＜
均勻上面後皮膚亮澤度提升，但沒什麼調色功效，有待改善呀！
溫馨提醒：
全系列產品都建議在開封內6個月內用完
六款產品分享完了∼只用了不到4天，噢很短時間，美白先不說了，只可以說沒有變黑！
因為依幾日假期都去左行山，就用這系列的產品，重點每天早晚濕敷toner mask再用上面膜，因為曬得多要加強美白，效果不錯！
最後選幾款我最愛用推薦比大家：）
＊潔面泡泡，雖然澀眼扣分，但用完好滑亦好補濕令我好喜歡用呀！
＊爽膚水，每次濕敷完皮膚都脹卜卜，好似飲飽水，短時間內快速急救好掂！
＊面膜，亮白同補濕效果好快見效，regene的面膜真係冇令我失望＞３＜
