REGENE呢個品牌, 我對佢既再生水比較聽得多!
其他產品就真係未試過...但今次試完我又對呢個brand改觀左!
原來都唔錯架呢個呢條LINE.....!!!

北海道牛乳香濃美味, 我之前成日都會諗如果用牛奶來護膚應該會唔會真係滑D...
依家試到喇!!! 個感覺真係好正!!! 品牌全新牛乳白滑亮肌護理系列...
乳牛般的包裝真的很可愛呢！　全個系列都是以牛奶精華、黑桑提取物、
水解蠶絲蛋白等為主要成份，牛乳+蠶絲=絕配!!!
真係做到同一時間美白+補濕+阻截自由基侵害呢~~~

牛乳白滑潔面泡泡 / $188 100 mL
含乳酸鈉及乳酸, 能強效保濕∼其成份仲可以平衡埋pH值添,
咁皮膚就唔會咁傷, 同埋可以有助其後用的護膚品更吸收呢∼

揼頭裝，超方便呢！按一下就會有好幼滑棉棉的泡泡啦∼
每次按2-3下就夠架喇！ｄ泡泡真係好滑呀！
用完又唔會覺得面部肌膚繃緊，唔會好乾，好舒服呢！

洗完面就當然要用ｔｏｎｅｒ喇...

牛乳白滑保濕爽膚水 / $198 120 mL
酵母提取物令膚色均勻，煥發淨白剔透，打造發光淨白肌

膠樽裝...有小膠塞助控制流出量...
一D都唔笠, 用完仲幾清爽添~
而且有少少牛乳香味似的...
 

牛乳白滑亮眼精華 / $328 15 mL
含有豐富的維他命Ｅ及米糠萃取物，極具抗氧化功效∼
配合細葉益母草，能促進血液循環，減淡黑眼圈∼
此外乙醯基四肽能增強肌膚耐受力，改善細紋和浮腫∼
 

透明GEL狀質地偏稀...所以質地好易推開...
用後好清爽...仲好快吸收哂...
但若怕乾既人/冬天用的話, 我會建議再補多少少eye cream會好D
如果唔係你會覺得唔夠...~


牛乳白滑活肌修護霜 / $228 45 mL
小核菌膠含菌類植物多糖體及乳木果油...
可令肌膚的水份加強鎖緊，增強補水功效。
內裡的酵母提取物更有效調理肌膚呢~

很可愛的白色瓶子，好像蜜糖樽呢...開蓋後另有一層密封膠以保衛生。
白色的面霜質感出奇地滑呀!!! 好creamy咁呢...但都能輕易推開至全面...

不過朝早用既話可以搽番薄少少, 尤其是依家喧熱,
如果唔係會有少少笠, 好易出油 >"""<
 

牛乳白滑透光淨亮乳液 SPF15 PA++
Milky White All-in-1 Lotion / $268 30 mL
蘊含青刺果精華，具修復和保濕作用。
含多種高效防曬成份，可迅間為肌膚防禦紫外線的侵襲。

防曬乳帶有微微的粉紅色...質地柔滑易推開...
塗後不覺笠~雖然佢有少少色, 但就做唔到佢所講既集bb cream功效於一身既講法喇...
因為佢係冇bb cream既修飾效果, 推開後其實係無咩色架...
所以我會當佢係普通防曬乳用...or base打底既話就係一個唔錯既產品~


KASTA*

http://weibo.com/kaxyz
http://kaxyz.theztyle.com
http://blog.yahoo.com/kaxyz
http://blog.she.com/kaxyz
http://blogazine.beautyexchange.com.hk/?130718