REGENE牛奶白滑美肌體驗 - 用後感 by ar_ching05

今次抽中試用REGENE Milky White 牛乳白滑亮肌護理系列，THX QOOZA！

相信好多人都知道牛乳對皮膚有一定美肌功效，但我諗應該無人會咁浪費每日用牛乳去敷臉，所以REGENE今次的牛乳白滑亮肌護理系列，一定可以滿足姊妹一嘗每日用牛乳護膚的心願！

REGENE的牛乳白滑亮肌護理系列有以下的成份及功效︰
1. 黑桑提取物提煉出獨特白藜蘆醇 --> 有效抑制黑色素
2. 花青素 --> 具高效抗氧能力及阻截自由基
3. 嶄新成份AA2G之維他命C複合物 --> 能打散黑色素形成及三重修護
4. 水解蠶絲蛋白 --> 有效鎖水滋潤
5. 牛奶精華 --> 能修護肌膚
6. β-葡聚醣 -->保護真皮層

等我逐一介紹︰

(1)牛乳白滑潔面泡泡 $188/100ml

潔面泡泡係泵裝設計，按一下就可擠出軟棉棉的泡泡。
泡泡好幼滑，係面到按摩好舒服。
大約按兩下就夠洗哂全面。
洗完面後，塊面好滑，完全唔會有繃緊既感覺！

(2)牛乳白滑保濕爽膚水 $198/120ml

爽膚水為透明水狀，用後覺得清爽保濕，唔會笠痴痴。
個人認為適合夏天使用，冬天用就可能唔夠保濕。

(3) 牛乳白滑透光淨亮乳液SPF 15 PA++ $268/30ml

顏色為淺粉紅，雖然話有BB CREAM的速效功能，但因為顏色較淺，並唔似BB CREAM咁能夠遮瑕同修飾膚色。不過我覺得佢可以令膚色較為明亮，亦唔會出現偏白情況。
塗上後並無一般防曬用品咁油笠笠，但亦未至於好清爽。
不過由於我經常需要在戶外工作，故SPF 15 PA++對我黎講並唔足夠，需額外塗防曬用品。

(4) 牛乳白滑亮眼精華 $328/15ml

質地為透明啫喱狀，所以好易推，只需一粒黃豆既分量就足夠。
而且佢滲透得好快，按摩一陣就已經完全吸收哂，十分乾爽，好適合一D怕油同生油脂粒既人。
由於只係試用左幾日，未知能唔能夠減淡黑眼圈。
佢既保濕能力幾好，去以可到乾紋，但可能冬天用就未必夠滋潤。

(5) 牛乳白滑活肌修護霜 $228/45ml

質地為白色水狀乳霜，好易推同好滋潤。
佢要按按摩一陣先可以完全吸收，不過有少少笠，我覺得冬天會好D。
用後皮膚覺得比較透白。

(6) 牛乳白滑水盈嫩膚面膜 $298/50ml

成個系列入面，我最鍾意佢既面膜。
因為面膜既包裝好有心思，好細心。附有一個專用的面膜掃，既方便又衛生。
(但記住要先取適當分量係手背先)
面膜為白色乳狀，質地超滑，好容易推，而且好保濕。
敷完10分鐘後，塊面又白又滑，而且覺得膚質變得柔軟。
呢個MASK簡直係全系列之中的推介！