AngelAngelAngel 發表於 2011-12-21
產品評分
外觀： 功效： 舒適度：
持久度： 抵買度：
用後感
 
長期對住電腦, 日望夜望,
唔單住雙眼會攰, 肚bob大晒,
最慘仲係有肩膀痛,
成日聽日講, 坐得耐就要企身走走,
但有時做起嘢上嚟, 天昏地暗,
唔好話行身走走, 就連lunch 都唔夠時間食
咁仲點可以走呢

係肌肉腫痛既時候, 如果有一塊冰涼既感鎮痛貼,
緊緊貼住患處, 即時將痛既程度降低,
咁就實在太好喇~

今次試用曼秀雷敦既冰感鎮痛貼,
同時, 得到品牌所贈送既bb cream & 潤唇膏,
一定過收到多份禮物, 感覺太好喇 ^^



曼秀雷敦冰感鎮痛貼
Deep Cold Patch
 

Ah Bee 細細個既時候, 成日都咳,
Bee 媽就會幫Ah Bee 用曼秀雷敦既薄荷膏捽前心後心,
就算氣管唔暢順, 都會即時得到舒緩
所以Ah Bee 對曼秀雷敦既產品,
真係充滿信心 ^^


 


冰感鎮痛貼含止痛藥用成分Glycol Salicylate,
柔軟富彈性、容易撕貼,
而且不刺激皮膚、不易過敏,
氣味芬芳、不黏不膩, 用後皮膚清潔乾爽
6

用法: 取出鎮痛貼, 撕去鎮痛貼上既透明膠膜, 貼係患處就得

盒內有固定輔助貼, 等別適用於容易脫落既部位




功效:
有效消除肌肉疲勞、肩膊僵硬、背痛、拉傷、
扭傷、腰傷所引致的痠痛、疼痛


鎮痛貼包裝袋設有密實拉鏈, 防止藥力及氣味蒸發,
大家記住用完就要即刻將拉鏈關上喇~

 


鎮痛貼分5 片及 20片既盒裝
每片10CM X 14CM
而今次Ah Bee試用既係5片裝
盒內仲附有3片固定輔助貼,
可以將鎮痛貼固定於關節或容易滑落既地方

Ah Bee 將一塊鎮痛貼剪成2塊, 緊貼係肩膀上,
鎮痛貼本身好有彈性, 可以拉長貼於患處,
覆蓋面就更大, 剛剛貼上鎮痛貼既時候,
感覺到有一種冰涼既感覺, 但慢慢地,
鎮痛貼就會發出熱量, 暖暖的,
感覺就好似將鎮痛貼上既藥力, 透過熱力滲透到患處
 


Ah Bee 曾經試過使用其他牌子既鎮痛用品,
有時貼上後就直接睡覺, 可能時間耐咗,
皮膚出現過敏反應, 變成紅色一笪笪, 又癢又痛,
但使用曼秀雷敦冰感鎮痛貼, 就完全無問題,
就算貼過夜, 皮膚都唔覺得癢~
 
Ah Bee 隔日使用鎮痛貼, 一共3次,
覺得肩頸痛既問題真係改善咗,
以前只要用手指按壓肩膀, 都會覺得好酸好痺,
但現在情況就好好多, 按壓時雖然仲有少少酸,
但就唔會覺得痺痛, 效果真係唔錯

另外, Ah Bee 會將鎮痛貼一分為四
用小型既保鮮袋仔袋住, 放係化妝袋內,
覺得肩膀唔舒服又或者疼痛時,
就即刻貼上去, 尤其是天氣開始轉凍,
衣衫都可以遮住鎮痛貼, 咁就可以即時舒緩頸梗膀痛喇~


想了解更多, 請到曼秀雷敦網站瀏覽

歡迎留言or email to [email protected]


My Blog Link Sharing:

http://blog.qooza.hk/AngelAngelAngel?eid=24862785&mute