工作關係，成日要打字~dup report~ 所以肩膀同背脊不時都會痛 (未老先衰!?...O口Oiii)
所有會有時去刮下沙(2,3個月一次)，又有時迫下媽咪"連"幾下。而鎮痛貼，就小用d。
因為用過，覺得好麻煩，又臭臭地、第二日搣走果陣又chi chi lum lum 咁。
今次第一次用曼秀雷敦既鎮痛貼~
佢一張都幾大塊下，比a5細d 咁，由於想試下效果，我只係用係一邊既背上面，剪開一半已經夠用。(幾抵)
隨packing 仲有一d大大塊既貼紙比你固定，不過我又覺得佢本身已經fix得好好，所以冇用到。
一貼即時有d涼涼地既感覺(但係又唔係凍冰冰果種而且持續一段時間，好似都有1個鍾) 之後就貼住訓覺。
第二朝起身...唔記得自己chi左佢訓，到出街換衫先記得搣走佢。(証明chi 住佢都冇咩令人唔舒服既感覺)
一搣就甩，幾乎完全冇chi lum lum! 個背脊平時硬左既肉肉明顯鬆返，(另一邊冇貼，"連"落去既時候有明顯唔同)
我都決定買返包，到月尾交report 果幾日貼下都唔錯，唔洗成日好似個呀婆咁叫周身骨痛~

(題外話)
個包裝: 如果我有一日要去買，我見到個包裝都唔多會想買..封面位男士既背影，感覺好似專比d叔叔用咁
另外~ 如果想剪開佢! 一定要用d大剪刀(果d文具剪，會好難剪)