話說女人過了25就應該開始著重保養鳥~
如果疏於照料,歲月將豪不留情的將細紋, 斑點, 松馳一樣一樣賜予你,而你則沒有絲毫拒收的權力

這一點,也是在我發現自己開始有了眼下細紋開始發現 , 這段時間都處於狂試產品的階段, 希望歲月之神可以收一收手.

9月尾的時候得到TBS的新產品試用機會, 10月1日舉國歡慶的日子,我在尖沙咀抱著我的10日試用裝回家了, 下面要言歸正傳開始介紹產品了. (希望觀眾仲未走哂)

The Body Shop最新推出的紅石榴系列

整個系列有8個配套產品, 而我今次試用的是重點推介的紅石榴緊膚精華素,主要功能為 緊致+補濕.

一收到試用裝時就被它的包裝吸引了, 真系好似紅石榴一樣, 紅通通~ 暖色真系會令人心情愉悅D~ ^^

快快影完相, 執埋D嘢, 洗個面, 就迫不及待的打開一包來試~
一撕開,唧出淡黃色的精華液, 香味就一同飄咗出黎~ 系果種甜甜的味道~ 我有D流口水 =^^=

佢質地系有少少粘稠, 我將手與台面垂直, 佢滑落的速度比較緩慢(所以我可以慢慢影相 XD), 將精華液推開後都可感覺到有少少黏, 但反復拍幾下已經可以完全吸收. 香味仍然存在.

待精華液吸收20分鐘之後, 對比下面部水分與油份的變化^^:

我系混合性偏乾肌(乾到出油果隻), 以下系臉頰的數據.
洗完面未上任何嘢時: 水 33.5  油 17.0   T^T
拍完精華20分鐘後:   水 48.7  油 24.3   ^ ^

補水效果都唔錯呦~

做完以上測試, 我又恐怕它只是一瞬間見效, 於是在第二朝洗面前又攞出心心測試器追求真相,

洗面前:             水 46.6   油 23.3
洗面後20分鐘:   水 39.6    油19.8 

估唔到洗面之後未搽任何嘢時的水分都有提高. 未用呢個精華時只系 33.5, 真希望一直用落去可以俾到我更大驚喜.

上面講嘅都系補水嘅效果, 至於緊膚方面~
由10月5日----10月8日, 四日時間, 我用精華液搽左邊面再用其他乳液, 而右邊面就按照平時只系用乳液, 其實我都好期待個效果系點.
到今日影完張相, 我覺得系有少少分別, 感覺到左邊面相對比右邊面有少少向上拉升咗, 皮膚通透咗同粉咗, 而粒粒都多咗 =.='' 上網搵資料, 有人話系排毒的功效, 將D暗粒谷咗出黎, 但我都唔知系咪真系咁, 唯有持續觀察 @.@

最後以我個人意見評下分(5個㊣最高):
保濕度：㊣㊣㊣㊣
清爽度：㊣㊣㊣
緊緻度：㊣㊣㊣
香味:     ㊣㊣㊣㊣(香味有少少濃, 可能部分sis接受唔到, 但我就鐘意甜甜味)
性價比：㊣㊣㊣    (30ml正價339, 個人覺得小貴)
喜愛度：㊣㊣㊣

(張相系洗完面乜都無搽時影嘅, 所以請大家包容包容, 如有驚嚇到大家, 抱歉鳥 ~.~'')