zero16 發表於 2011-10-08
產品評分
外觀: 功效: 低刺激:
抵買度:
用後感

Bodyshop 係香港已經有好耐, 但我使用他的產品真係屈指可數.

印象中他的產品都很滋潤的, 也因為太潤, 個人感覺不適合自身油性膚質, 自然對他的產品都望而卻步, 即使聽到好多SIS讚他的產品很優, 我還只是抱著觀望態度, 實在係自己太怕油笠笠既關係.

而呢次會試 Bodyshop 既產品, 一來因為天氣轉變, 稍為油性既產品係乾燥缺水既皮膚上是可以接受的, 夏天既話我就一定唔夠膽試, 費事試到成面粒粒囉! 二來因為紅石榴緊膚系列有一定的吸引性, 既抗氧化, 又可以緊膚. 最後當然係因為有 Lady Qooza 推出試用啦!
有得試過好唔好先再買, 對樣樣都想試, 樣樣都想買既我黎講, 真係可以慳返好多, 起碼唔好用既產品可以直接慳返啦.

Natrulift
先借一下Bodyshop圖, 這次要介紹既有機紅石榴緊膚系列


呢袋野就係今次要試既主角, 有機紅石榴緊膚精華素.
初時見到
Lady Qooza 推出十日裝試用, 就見到有SIS話會唔會係俾十包試用裝俾我地試.
結果証明
Bodyshop 真係好致力環保推廣, 有現成既何必另外浪費一個膠樽去裝呢! 如果SIS自家都有D用完既樽仔, 用完愛黎裝紅石榴緊膚精華素都唔錯, ^+++++++^ 我見有SIS都係咁裝, 仲好靚咁貼返Bodyshop 既Logo做記認.


值得一題既係,
Bodyshop 好貼心咁係每一袋上面都釘返將coupon, 就算係平常一包既試用我都見佢地有釘埋coupon俾客戶, 令到客戶試用後覺得好, 可以用優惠價買. 不過呢張coupon係日霜 50毫升 $289 coupon可減$60, 唔知精華素遲D又會唔會有拆扣呢. 30毫升 $339 有D小貴.

 
Bodyshop 所提供既簡介, 上面有介紹最佳既配搭係紅石榴緊膚精華素及紅石榴緊膚日霜.

而當中
紅石榴緊膚精華素 有助達致長效補濕效果, 令肌膚更緊緻及提昇.

簡介上更指出, 由用
紅石榴緊膚精華素 首日即發揮理想效果, 經過12小時的滋潤, 肌膚更見緊緻柔滑, 豐盈富彈性.

雖然字眼上係有D誇張, 不過試左之後都覺得OK既, 真係夠滋潤, 而且唔笠(我係一次用一包擦哂係臉度), 對我黎講呢個係一個重點, 如果唔係皮膚再乾我都唔鐘意用.


簡介上仲有介紹一個面部按摩滾輪, 凹凸既設計有助面部皮膚按壓促進血液循環, 令產品更能被皮膚吸收, 進而獲得更好既效果.
 



精華素 係啞色 乳液狀 帶有D香味, 但唔會難聞



將精華素擦均, 精華好快吸收, 唔駛一陣就吸收哂, 又唔會笠


試用前, 毛孔因為出油既關係 稍為大D


試左幾日之後, 可能因為夠滋潤, 皮膚無再出咁多油, 所以毛孔無再係咁將大個口嗌救命, 感覺上好似有收細左.

有機紅石榴緊膚精華素對我黎講都幾方便快捷, 點解咁講, 因為天氣開始轉涼, 我就好容易想訓覺. 保養步驟就會係咁縮減, 務求快D有得去訓. 而呢款精華素, 雖然話最好係擦完之後再擦面霜加強保濕效果, 由於我無樽仔可以裝住D試用包裝精華素, 我每次用就用左成包, 但就咁擦成一包我都唔覺好笠, 而且精華素好快被皮膚吸收, 擦完之後我都無再擦面霜就咁訓, 第二日起身又唔會出油, 皮膚狀態岩岩好. 所以對我既皮膚膚質黎講, 呢款精華素係一款可以偷懶既保養品, 滋潤保濕得黎又唔會笠, 不過有無收緊皮膚, 真係要長期用先知.



雖然有機紅石榴緊膚精華素無提供sample可以攞, 不過有機紅石榴緊膚日霜就有, 有興趣既都可以去Bodyshop既facebook或以下連結http://www.facebook.com/hkthebodyshop?sk=app_297777996903093
去下載日霜既試用coupon, 一齊感受下有機紅
石榴緊膚系列既滋潤感.