幸得 Lady Qooza 同The Body Shop 合辦，邀請300位用家試用分享~
我~成為其中之一呀 \^0^/~yeah~~Happy~


其實我1號嗰日特登出咗銅鑼灣拎，不過最後都拎唔到.....個店員話..."你登記咗响沙田拎喎"\
=口=......um~~可能我真係記錯喇~真大頭蝦
所以第日又特登走多轉沙田~終於俾我攞到喇^~^


一開始已經知道係十日試用，一包係1.5ml，1day 日+夜 嘅份量，有下圖咁多

唧晒出嚟之後先知笨咗........另一半份量點留到聽日用?!

其實收到嗰一刻我有d呆咗，因為冇諗過會係咁樣嘅包裝~雖然自己知道唔會係成支30ml裝俾我哋試用~
但其實10日嘅份量都有15ml，我覺得係一小樽裝起晒會比較方便用衛生~
始終一包要分2次用，有d難控制份量，同埋用完第一轉我就用個夾仔夾住個開口(我已經盡量剪細d個開口)

同埋，個店員俾個包包我嗰時，係冇介紹呢款產品係咩同點用，要自己返去睇返個小冊子~
但個小冊子裡面係印晒成條line8款 product，低能的我又發揮我低能本色:
字~對~字~~~去搵返拎到嘅係邊款product~um~~~有點唔夠細心呢~


好喇~係時候入正題
.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.
最近發覺 "紅石榴精華" 响護膚界彈起，有幾個品牌都主打產品加入咗"紅石榴精華"，
皆因紅石榴對活肌緊膚有明顯效果~~ 
其實响今次試用之前都有俾店裡面嗰個好大個嘅假紅石榴吸引入去~haha~從前~我只係知道紅石榴好好食~
e+先知，紅石榴原來都可以用嚟搽

以下就係今次活動嘅主角


Natrulift Firming Serum
紅石榴緊膚精華素
 

蘊含有機紅石榴籽油及滋潤蜂蜜，質感輕柔及容易吸收，有助改善肌膚彈性及補濕度。
於使用補濕產品前塗上，能令肌膚更有彈性及得以提昇。

容量 : 30 毫升 
售價 : HK$ 339  ***由即日至10月17日，凡購物即可以優惠價 $259 買到喇~


小貼士
早晚使用，用於爽膚水之後。

使用方法
取適量紅石榴緊膚精華素，輕柔地向上及向外塗抹於面上。最後以手指輕拍面部，避免觸及眼部肌膚。


好似個圖咁~手指响面度游走~

搽上面絶對係水潤，唔會"結他他" 同 "黐立立"
好快就吸收晒~
(小妹d斑斑同黑眼圈比較嚴重，已在處理中~請見諒:p)

用咗6日，係覺得皮膚有緊咗，冇咁 "鬆泡泡"，同埋額頭出油問題有改善，少咗好多~
係因為提高咗補濕功效? 我覺得係~ 冬天就快到喇~keep住高度保濕好緊要ga~
最緊要係吸收得快同埋唔會黐立立，認真不錯 ^~^


Thanks  &

❤Lu v Little Pig™♫