cpl_kittyleung 發表於 2011-10-07
產品評分
外觀: 功效: 低刺激:
抵買度:
用後感

嘩~~~ 咁大個女第一次打試用文呀~~~ 打得唔好請多多見諒 

9月29日去到TST , 一如所料係10包1.5ml ge試用裝, 驚喜係佢有張$60cash coupon!!!

不過到10月1日, 我先開始左我ge試用過程; 其實之前都有拎過THE BODY SHOP ge 紫蘇美白精華試用, 不過真係好好奇一細包ge精華素點解可以用上2-3日(可以我好慳住用啦), 第一次開ge時候, 忍唔住一次過"吱"曬出黎

 

睇落好似真係唔多, 但因為佢係接近水狀ge serum, 好容易o係面上推開同吸收, 所以, 剩左好多o係手上, 即時幫家姐同媽咪搽, hahaha~~~

上手一試, 好waterful同juicy ge感覺, 因為一推就有一點點小水珠, 再推幾下就已經吸收左一半, 圖中左邊係冇搽, 右邊就有serum, 一睇就知分別~

另外就係, 一推開d serum, 果陣甜甜ge紅石榴香味即時湧入個鼻度, 唔係講笑, 真係一下子湧入黎; 客觀d講, 果種甜味有d濃; 搞笑d講, 果種又香又甜ge味道令我有d想舔佢一啖ge衝動, 因為每次用親佢, 都會有d肚餓ge感覺, hahaha~~~

呢個係未搽之前ge傻瓜樣, 於10月1日中午出門前拍攝ge, 我係混合性偏乾ge肌膚, 加上幾年前曾經兩次嚴重曬傷, 所以肌膚底層已經"乾曬塘"; 一搽左呢隻紅石榴serum, 再配合我已有ge面霜, 已經feel到肌膚有firm左ge感覺, 係之前用ge serum 冇ge感覺~

 

去到10月7日晚, 足足用左7日lu 

可能因為係用手機同夜晚影ge關係 (原有相機壞左 ) .... 睇落好似麻麻地.....

不過我就覺得, THE BODY SHOP 呢隻紅石榴serum ge效果唔只係睇到毛孔細左, 最重要係真係感覺到肌膚一日比一日firm左; 尤其係夜晚臨訓前用左之後, 第2日起身, 面脥同近鼻翼ge毛孔撐大曬"打喊路"ge情況改善左, 彈性明顯地好左, 之前要起左身一段時間肌膚先會"訓醒", 不過似乎依家肌膚可以同我一齊起身喇 

 

最後總結:

1. 肌膚緊緻效果明顯, 不過如果可以增加保濕能力會更好, 因為我用後一般4小時後就會出油, 雖然油量唔多, 但已經夠我今日鼻翼上出左兩粒暗瘡 

 

2. 香味濃度可以再調節, 似乎過濃~

 

3. 如果試用活動配合5包日霜/晚霜, 應該會效果會更昇華; 而且如果張coupon 係用作買日霜/晚霜而唔係防曬日霜, 我相信會更加好!!!

 

再一次感謝THE BODY SHOP 同 LADY QOOZA俾呢次機會我獻出第一次, 期待下次ge試用活動 ^+^