IPSA係一個我好鍾意既品牌之一。愛死佢既粉底系列, 佢既碎粉係我用過之中最好的! 今次有機會率先試用新產品真係好開心, 因為係非常吸引既潔面皂同Metabolizer!
拎試用產品時要先去專門店做皮膚分析, 其實我有d係衝著呢個皮膚分析而報名的! 因為IPSA家既皮膚分析比一般既更詳盡更專業, 平時好少機會做到。 加上呢個係全新升級版第七代IPSALYZER, 更加值得一試吧!
就係佢喇! 有d似ipad既外型, 同品牌一樣走簡約風。呢部IPSALYZER可以測試多種皮膚問題, 好似皮膚水份保持力、油脂分泌力、透明感、彈力、膚色等, 為皮膚多角度分析。
呢個就係我面部紋理, 最靚既皮膚應該係明顯見到三角紋, 如果唔明顯係因為肌膚缺水等皮膚問題, BA Melody話因為經過一日, 皮膚係會比周圍環境影響, 例如冷氣會抽乾水份, 所以比較乾燥, 三角紋唔明顯。
IPSALYZER仲可以測試埋膚色而決定用咩色號既化妝品, 呢個真係好好, 因為平時去買化妝品時都唔會好SURE自己用咩色係最岩, 用電腦分析就更加準確啦! 除左base, 粉底之外, 連face color, 眼影同唇妝都可以測試到用咩色係最適合。
一向覺得自己皮膚暗啞既我素肌透光度竟然有71, 不過真皮層光線反射只有45, 唔合格:(
另外, 水份保持力竟然係....
17/100!! 個心即時沉左一沉, 原來我皮膚乾得咁可憐! 要勤力補濕先得喇!
Melody寫左呢張recipe我, 已經記低晒我適合用既products同埋個steps
最重要係要提升肌膚大量水份!
之後BA就示範用最新既IPSA Marine Cake比我睇。佢建議其實用手起泡係比用起泡網好, 首先要沾濕塊皂, 揉起泡泡, 再慢慢加入少少水, 好容易就打到好多綿密既泡泡喇。
最後拎埋今次試用既產品, 分別有Marine Cake同Metabolizer Superior W, 仲有化妝棉一小包。
呢塊海洋潔膚皂有好豐富既海洋成份, 包括珍珠粉末, 海底泥同洋甘菊精華, 藍色既外型實在新鮮。仔細睇有d閃既粒子, 我覺得同雲石好襯呀。
照住BA建議加水起泡, 其實平時都有用開洗面皂, 不過都係用起泡網, 今次刻意用手起泡, 一樣可以起到咁綿密既泡泡。
佢既泡比平時用開既厚同有彈性, 洗面時減少左手同面部既磨擦, 感覺好舒服。專登唔化妝, 經過一日之後面部變得暗啞同佈滿油脂污垢, 洗完後感覺清新晒, 毛孔細緻左, 成塊面白淨左。
好 多人怕用皂係怕乾, 呢個Marine Cake洗完之後, 洗完之後好清爽。不過而家咁既天氣, 其實面頰位都會有少少乾, 但就絕對唔係掹住個種, 我個人就好鍾意。一向洗面都鍾意洗到好爽好乾淨咁, 如果怕乾的話, 其實IPSA仲出左兩款新既潔面產品包括Cleansing Fresh Foam同Cleansing Moisture Foam任君選擇。
洗完面當然要補濕啦, Metabolizer係IPSA既皇牌產品, 黎到第七代加入左海洋活化精華, 而且憑住極速滲透科技將水份更深入滲透至肌膚底層, 改善皮膚質素, 仲有美白功效, 減淡黑斑, 改善暗啞。
雖 然係sample size, 但都有刻度提示每次既份量。記得BA講過用Metablolizer份量一定要足夠, 而且仲要用化妝棉黎搽, 因為咁樣更加可以滲透去皮膚。IPSA Cotton N比普通棉大少少, 就咁睇已經見到可以撕開幾層, 用黎敷面應該會幾好!
呢隻Metabolizer冇香味。塗勻全面後, 會感覺皮膚即刻soft左。我用既係S2, 用完後有少少滋潤, 佢既吸收比一般乳液慢, 但吸收完之後皮膚唔會有黏膩感。第二日起身, 塊面都keep住柔滑感覺, 同埋比平時更有光澤!
轉季要轉新既skincare, ipsa metabolizer係一個唔錯既選擇。我要努力, 成就發光素肌!
BmalCheung 發表於 2011-10-06
產品評分
用後感