Body Shop 嘅新產品>> NATRULIFT - 有機紅石榴緊膚系列

全新 NATRULIFT - 有機紅石榴緊膚系列, 共有6款產品.
特別選用有機紅石榴, 充份利用果籽/果肉/果皮, 為肌膚提供一個天然, 溫和嘅抗皺效果!

果籽
強效抗氧化，保護肌膚免受游離基侵害，獲有機認證，天然不刺激

果肉
含豐富Aquaporins (水通道蛋白)，有助肌膚細胞鎖水功能

果皮
強效激活肌膚膠原蛋白再生

紅石榴果籽油來自土耳其西南部, 以有機耕種, 人手收割.
為保新鮮, 佢哋會以冷凍方法處理果籽, 提煉出獲有機認證嘅果籽油.



今次試用係有機紅石榴緊膚系列中嘅紅石榴緊膚精華素. 


Natrulift - Firming Serum ( 紅石榴緊膚精華素 )
蘊含有機紅石榴籽油及滋潤蜂蜜，有助改善肌膚彈性及補濕度。
於使用補濕產品前塗上，能令肌膚更有彈性及得以提昇。

今次試用收到共 10 包 1.5ml 嘅 Natrulift - Firming Serum 試用裝, 用 10日.

因為試用嘅包裝問題, 早上開一包嚟用, 跟住要接好封實, 其實都有難度!
所以我會將淨低嘅精華素, 放入個巳消毒嘅 con case 度.
咁樣就可以好好保存. 

另外, 我見有 sis 投訴, 話 10 包份量咁少, 點試 10日?

試用每包有 1.5ml 嘅精華素~

搽咗精華素後, Body Shop 建議再搽補濕產品.

我就覺得唔再搽補濕都ok~ 話哂天氣都未係好乾.

1日用1包, beautyisQueen 覺得係足夠有餘, 早晚各一次搽會搽面+頸.
有時下午用多次都仲得.

話哂係"精華素", 用適量已足夠, 精華素係唔需要厚厚咁敷架....

唔錯唔錯, 好喜歡Body Shop 呢隻精華素, 喜歡搽上面時嘅 sense of smell & sense of touch~

  好喜歡淡淡嘅果香味~~
  好易推, 質感輕柔, 水水, 好容易吸收..
  搽上面果刻覺得好舒服, 補濕肌膚之餘, 感覺清新 & 清爽~
  少少即時嘅緊緻功效~