海洋公園哈囉喂俾你早死一晚 - 用後感 by RingoTam

向來都無乜抽奬運，居然今次俾我抽中去海洋公園哈囉喂試玩!!!

仲要係正式開幕既前一日已經有得入場，超開心的說

(不過因為太趕唔記得帶相機，得部cheapcheap電話頂住檔…)

入場時既pass同666億冥通紙，夠曬gimmick

講時講好耐無去過OP，大執過後完全唔同曬，無左以前咁老土!

見時辰尚早同左隻野影相~

襯到絕~

廢話少講，都係入番正題。

雖然年年d人都話玩唔曬，但OP一於少理，繼續有咁多鬼屋開咁多鬼屋，今年有成8個:

不過由於鬼屋裡面唔俾影相(正路)，我又驚得滯唔敢細睇….都唔記得邊間打邊間orz…

但印象深刻既有3個:

亡魂棺廠
去到中途有3條滑梯格硬分開d人，逼你自己一個行，真係膽細d都唔敢玩-___-
咁岩我行完出黎就俾個fd捉到我個驚嚇樣…

3D惡夢潛行
開頭以為無乜料到，入到間房仲細過你同我間屋，仲要10個人排排企戴住3d眼鏡望住個mon，但估唔到d效果都幾震撼，特別係隻女鬼衝埋黎我真係忍唔住係咁伸手撥開佢-__-lll

喪屍絶地反擊戰
呢個係玩射擊的，!雖然有少少copy迪x尼裡面某機動遊戲，但可以自己周圍行開心好多!!仲會有d真喪屍彈出黎!!最後拎到超高分做左zombie slaughter XDD

除左玩鬼屋，成個OP都佈置到好有halloween氣氛=))

仲有好多鬼失驚無神彈出黎嚇你…

中意呢張，牛頭馬面好有氣勢:P

梗係覺得呢隻鬼好靚仔>///<

好佩服佢既裝扮…一定又熱又辛苦，但仲要不忘搞笑! 佢話請我食鳯爪喎XD

不過都唔夠呢個堅，一行埋去就問我肚唔肚餓然後請我食波餅!!!

好正呀佢~成晚D人都圍住佢影相~

不過當然唔少得既係即” 國慶節目”，即係live show

但因為我路盲加上唔顧時間，所以睇得好少><

不過見到d靚仔靚女跳舞已經值回票價!!(雖然我唔洗俾$呵呵)

尤其鍾意呢個表演，三個人分別係三個好窄既玻璃箱入面跳舞，型到呢…

成晚都keep住好high，仲要玩埋過山車，正呀喂!

真係好開心有呢個機會可以試玩，多謝QOOZA!

最後送上一張低能照:P

~完~