哈囉喂共和國23日正式成立,我會係9月22日提早入地獄,真係有啲驚,好彩有yoyo陪我一齊去送死,死就死啦,無有怕!
我地5點半黎到海洋公園門口,久別重逢,加上好天氣,心情零舍愉快!
一入門口就有錢派,多到使唔曬!

有靚女yoyo陪我,唔使驚

睇返地圖,今次有8間鬼屋,山上同山下分別有4間,佢地係
<<清宮殘異錄>>邪惡鬼太后破棺而出，在冤魂處處的紫禁城恭候遊人，見證各種名震中外的酷刑把戲，而鬼公公更已準備好血滴子、夾手指和五馬分屍等酷刑折磨大家……
<<亡魂棺廠>>一覺醒來，遊人要小心誤闖奪命【亡魂棺廠】，單人匹馬穿越神秘棺材工廠的重重關卡之餘，又要留意死人生產線上突然殺出的冤魂管工，要獨自逃出棺材陣又談何容易？
<<3D惡夢潛行>>遊人走進3D惡夢潛行幽閉密室，旋即置身恐怖的夢境世界，3D嚇人影像及吸魂猛鬼由四方八面撲出，勢必把遊人推進萬刧不復的無底深淵。
<<恐怖創作室>>遊人要留意喜歡以鮮血做顏料、死屍作畫布的變態畫家招攬真人模特兒，小心別成為創作室的其中一幅「屍」人收藏品。
<<腥級片場>>恐怖電影導演正期待著各鬼片粉絲光臨，遊人可走進各經典鬼片場景，見證各演員一一慘死在鏡頭下，更可和鬼壇影帝影后大做對手戲，真正走入電影鬼世界。
<<猛鬼尾班車>>「屍」機就會把大家帶到新娘潭、長洲東提、和合石、一條辮路等猛鬼目的地，沿途還有其他靈異乘客陪伴遊人走過陰魂之旅。
<<喪屍絕對反擊>>
<<紙紮極樂園>>一眾平日寂靜無聲、動也不動的紙紮公仔拒絶再被燒成灰燼服侍先人，決定起義組織紙紮新世界向遊人報復，反客為主成為人類的主人。

我地首先黎到清宮殘異錄,好少人排隊,所以好快就有得玩,有啲緊張但又想快啲入去

其實我地玩咗咁多間死屋,我係一啲都唔驚嘅,仲玩得好開心,排隊的時候都唔會悶,因為隔離會有鬼嚇下你,又可以同佢影相,街上周圍都係鬼,好熱鬧架!

如果大膽的朋友可以試下亡魂棺廠,呢個要一個人入去,好驚驚!

玩玩下都成11點幾,好攰,係時候走了,行咗咁多個鐘,對腳痛死我,不過過了好開心的一晚,下年我會再黎的,my ocean park!