上年忐忑左好耐最後半推半撞之下檻左鬼門關一次,誰知我時辰未到牛鬼蛇神唔收我,,不過唔緊要,皆因我的字典裡沒有放棄,所以今年決定入張紙希望早日拎到陰朝地府單程証,,點知........

6點鬆d入場,因為係試玩所以唔算好多人,,我ge路線如下:

1.) 清宮殘異錄

因為係今年第一間入ge鬼屋,,,所以真係堅驚!! OP好就好在佢次次都係10個到入去,,所以一定有足夠空間時間俾你撞鬼!!  呢個場都幾大,而且入面佈局度度都係白綾,d鬼好多都匿晌白綾後面,,,失驚無神走出黎你都咪話唔驚!!

驚嚇度:(最高為5粒)

抵玩度:(最高為5粒)

2.) 亡魂棺廠

呢個應該係上年"一人火葬場"ge進化版! 上年就一人訓一格,今年就一班人一齊行陣鬼屋再分別揀條滑梯SIR落去,,之後就各行各路啦!!!本以為一SIR落去,就會有鬼,,點知唔係咁,,,開頭都有D驚ga,,因為入面真係陰陰森森咁,,但好快就無乜驚lu~~我再行行下撞到之前sir落黎個個player,,佢就真係有d嚇親我la,,因為佢好迷茫咁,我本身真係以為佢係鬼lo!!原來係搵唔到路,,所以我就好勇咁帶佢行番出去XD  我自己就覺得單獨行個陣唔算好多鬼,,未至於好驚,,但只不過係由一班人一齊變到得番一個人個種感覺會令人有d餚底,,不過一場黎到,考考自己膽量ge都要入下去ga!!!
值得一讚>>一入到去有個女鬼MC,叫廠廠,真係好似上左身咁,好正~!

驚嚇度:(最高為5粒)

抵玩度:(最高為5粒)

3.) 3D惡夢潛行

呢個真係唔好玩,,今年OP大力宣傳呢間HOUSE,,搞到我未入去都有D期待,,點知入到去,,,居然係大家帶住副眼鏡晌度望住套3D FILM,,3MINS到,,係真係好3D! 絕對可以同戲院個D 3d戲睇齊,,但真係一D都唔驚嚇!
值得一讚>>等個段時間都有d鬼黎招呼我地,,特別係2隻抱住個公仔ge女鬼,做得好好!

驚嚇度:(最高為5粒)

抵玩度:(最高為5粒)

4.) 腥級片場

呢間鬼屋感覺上好似細d,,而且D鬼嚇人個TIMING捉得未夠準(10個一組黎講,我大約係行晌第7/8個位度),,結果成程都剩係聽到前面尖叫聲,,但完全無嚇驚ge感覺><"

驚嚇度:(最高為5粒)

抵玩度:(最高為5粒)

5.) 恐怖創作室(坐纜車過左另一邊)

可能因為有左之前ge經驗,,所以呢間鬼屋都唔算好驚,,應該係因為preview ge緣故,所以鬼真係唔多,,好多expect佢會有鬼ge地方都無鬼出沒,,空歡喜左一場

驚嚇度:(最高為5粒)

抵玩度:(最高為5粒)

6.) 紙紮極樂園

呢度都一樣,,未算好驚,,所以都唔多講啦! 但入面D鬼真係幾精緻下~!最衰入面唔影得相,,如果唔係都可以up D上黎~!

驚嚇度:(最高為5粒)

抵玩度:(最高為5粒)

7.) 喪屍絕地反擊戰

呢個真係好好玩,,同上年一樣啦,都係可以揸槍射鬼! 上年係會有鬼嚇你,今年個D就係喪屍,行到"啤""啤"下,仲要佢地都有槍,會攻擊番我地轉頭,,所以都幾好玩~!!由於太掛住射point ge關係,所以d喪屍黎到時你都剩係掛住搵point,唔記得左驚,,哈哈~!!! 
值得一讚ge係>>入去之前個工作人員解釋得好清楚支槍要點用,,而且仲幫我睇下支槍有無問題,好細心~!!

驚嚇度:(最高為5粒)

抵玩度:(最高為5粒)

8.) 猛鬼尾班車
 

剩係講HOUSE ge外形,已經完全係一架舊式熱狗巴士ge造型!! 入到去,仲真係有落車鐘,車長位等等,,details位做得好好,,而且呢間鬼屋好似兜黎兜去咁,,,d鬼又失驚無神彈出黎,,你明明以為佢係假人點知佢又識郁!!呢間HOUSE真係咁多間入面數一數二難忘ge一間!!
但呢間就排左比較耐ge時間,,所以大家去玩之前可能要有d心理準備!

驚嚇度:(最高為5粒)

抵玩度:(最高為5粒)

OVERALL黎講,講HK咁大型ge HALLOWEEN PARTY ge話,海洋公園一定羸哂!!  今次雖然係試玩,D鬼好似未出齊ge感覺,,排隊方面有時都有d混亂(指示牌未夠清晰),,但D工作人員+鬼都好肯答我地問路ge問題!!影相又永無托手踭! 但排隊方面真係要安排好D,,因為排隊位個度有D真係擋左玩機動遊戲個入口(EG.海盜船個個位)

我地除左玩哂8間鬼屋,另外仲同左好多遊魂野鬼影相,,之後仲玩左4個機動遊戲,而且仲有時間睇左2個表演!!雖然係PREVIEW,,但所有ACTORS都絕無欺場,好落力!!抵睇!!!

我同友人都係屬於大膽個一類,所以我地ge意見可以俾你作個參考! 我地話未算好驚個D可能真係純粹我地ge感覺!
但我地都覺得值得再去多次,,所以我地10月又會再去玩過!!!!  你地有咩問題都可以隨時問番我地,,或者一齊share下丫^^"