zero16 發表於 2011-09-01
產品評分
用後感很榮幸抽中lady qooza 舉辦既 NANOSYS 柔和紅酒去角質系列試用.
其實係使用前有D擔心皮膚既狀況唔知適唔適用, 因為果排用左 D好潤既面霜, 搞到番臉出哂暗瘡同暗粒, 都幾驚試用完紅酒去角質會仲刺激佢地, 到時我就真係唔知點算囉.
果時番臉摸落去勁凹凸不平, 超多暗粒, 摸落自己都唔舒服.
呢方面我羅產品試用既時候都有問過個BA, BA問我D暗瘡會唔會痛, 如果唔會既話, 只要唔好咁大力就OK.
聽完之後雖然係放心D, 但都仲有D半信半疑囉.
唔係睇到盒上面有韓文, 都真係唔知原來呢隻牌子係韓國野. 因為個人覺得韓國護膚品一向都好著重包裝, 而呢款產品既包裝反而好醫學FEEL, 唔似佢地一般作風.
打開盒就有一個鋁罐, 一罐紅酒精華300ML, 一包抗菌藥用棉花(不過個人覺得似係紗巾多D), 一個藥用鉗, 仲有一個淨係得韓文既說明書(認真羅命, 完全無其他既語言選擇)
鋁罐裏面本身就已經有15片棉花.
另外再提供一包15片既棉花, 合共30片, 感覺上都幾多.
主角 紅酒精華登場
將紅酒精華倒一半落鋁罐度, 倒到虛線果度就有一半囉. 好似玩緊科學實驗咁.
紅酒精華既質地好水, 擦上手就只係見到一撻好有水份既亮光, 容易被皮膚吸收, 最吸引人既地方係紅酒精華帶有淡淡既葡萄香氣, 令人感覺好舒服. 尤其係BA教我可以放落雪櫃度, 對收毛孔都有幫助, 咁我梗係唔會執輸啦, 拿拿聲放入雪櫃度, BA仲提醒我放左入雪櫃度就要一直放既啦, 如果唔係會壞.
用法好簡單就係將浸哂紅酒精華既棉花用畫圈圈既方法係咁係臉上面打圈, 而我臉上生暗瘡就輕力D, 費事損哂.
用完番臉之後都唔係好污糟, 睇落係唔係都好似無污糟到呢,
除左臉, 用係手手腳腳角質厚既地方都得既喎. 例如膝頭.
驚嚇照黎啦. 用完個膝頭之後就變左咁樣.
各位唔好誤會呀, 我真係有沖涼既, 只係角質層死跟我都無計.
用左十日之後, 有咩效果呢.
皮膚情況穩定左, 之前D暗瘡好左, 不過個印仲係度, 要過一排先好. 不過起碼無嚴重左啦. D暗粒都平伏左, 無再咁凹凹凸凸出黎嚇我.
多謝大家睇到呢到.
如果SIS有興趣, 不妨都去下屈臣氏 醫學美容區睇下.
個人黎講, 都幾推廌呢款產品, 貪佢就算生暗瘡都用得, 真係可以做到柔和去角質既功效.
NANOSYS 柔和紅酒去角質系列 $260
好似都做緊promotion, 買產品送面膜一片.
