非一般體驗THE BODY SHOP 全新絲滑礦物粉底系列

今次係我既第一次出序新品發佈會, 心情當然有DD緊張 , 但都唔會忘記多謝LADYQOOZA比呢個咁好既機會比我, 一入會場已經有專人幫我選擇好適合我膚色既底妝產品 !

再黎就睇下今次試用既產品外觀先 :

今次有2款既產品 , 分別係 - CREAM COMPACT FOUNDATION & - LIQUID FOUNDATION , 呢一系列係有6個顏色 , 我今次試用既係105 , 屬於偏紅, BA話可以精神D , 偏黃既膚色會比較適合.而且個包裝好有PRO FU , 黑色又簡潔及型格! 另外今次呢一系列有OLIVE OIL成份, 加上係礦物成份, 加埋都知道係又滋潤又健康!

首先我先試LIQUID FOUNDATION , 質地非常水潤, 延展性非常高 :

以下既圖片已經睇到佢含水量非常多, 我隻手只係輕輕放側, 已經睇到佢流動得非常快 :

我呢個分量已經係過多, 因為佢真係比較水潤, 所以分量相對其他粉底液會變少 , 用量非常省 :

塗抹均勻之後 , 我初初擔心會偏白, 與我皮膚色差頗大等擔心既問題都完全沒有 , 只要分量適當 , 此粉底液是非常透薄, 塗抹開面上既時候 , 真係好似我天生好皮膚咁 , 真係大愛呀!! 當然透薄亦會有問題 , 就係遮暇度 , 可能黑眼圈既位置就要靠遮暇膏既幫忙喇!!不過我覺得而家大家追求既係透薄 , 裸妝等就非常適合喇!!

另外一件產品就係CREAM COMPACT FOUNDATION :

佢一共有2層, 第一層係上圖, 非常貼心既鏡及COMPACT , 第2層就係下圖既一個COMPACT專用化妝掃 :

 佢既設計真係好岩出街用, 雖然體積不屬嬌小, 但重量真係非常輕 , 而且附送既化妝掃並不差 , 可能會有點硬身 , 但係咁樣先配合到CREAM狀既COMPACT!!

 我只係薄薄咁掃左小小係手背 , 我感覺係粉感靠重 :

總結2者既比較 , 我個人比較喜歡粉底液, 因為比較自然及適合我既膚色 , 雖然COMPACT跟LIQUID是同一色號 , 但我分別試過 , 不知道為什麼COMPACT對我黎講太白 , 而且分量不好控制 , 當然亦可能係因為我手殘及不習慣 , 總覺得不夠均勻 , 但輪方便及遮暇度就當然是COMPACT稍勝一籌喇!! 不輪係COMPACT定LIQUID , 以THE BODY SHOP既大眾價錢就可以買到此品質既底妝產品 , 真係好值得一試 !!