BmalCheung 發表於 2011-08-31
產品評分
外觀： 功效： 舒適度：
持久度： 抵買度：
用後感

上星期得到Lady Qooza邀請出席The Body Shop絲滑礦物底妝聚會, 由於事前以為只係一個普通既發佈會, 所以得知有明星作嘉賓既一刻真係好surprise! 活動係香港藝術中心Assaggio舉行, 當日非常熱鬧, 好多bloggers都有出席呢


會場上周圍都擺放左主角 - The Body Shop 純橄欖礦物粉底系列比大家試用
今次既新品包括:
Extra Virgin Minerals Liquid Foundation SPF 30 純橄欖礦物粉底液 SPF 30


Extra Virgin Minerals Cream Compact Foundation SPF 15 純橄欖礦物乳霜粉餅 SPF 15


Extra Virgin Minerals Loose Powder Foundation SPF 25 純橄欖礦物碎粉 SPF 25


另外亦有即場試色, 以便活動完結後派發最岩自己膚色既粉底比大家試用, 非常細心


會場仲有好美味既食物供應添




活動正式開始。首先見到司儀楊崢小姐, 真人好高好靚, 佢介紹左The Body Shop既背景同粉底既成份, 仲分享左一d關於粉底既趣事

之後出場既竟然係劉心悠同化妝師Annie G., 劉心悠真人真係好靚, 完全係活動既亮點! 所有人都好surprise, 即時拎起相機不停影影影~

另外仲有知名化妝師Annie G. 同model楊汀叮,  佢地即席示範用最新出既粉底化妝同教授化妝技巧, 可惜我坐係台上睇唔清楚呢>.<

今次活動都幾開心, 雖然我唔係話好鍾意明星, 不過見到個下都幾驚喜既, 劉心悠真人又靚又瘦, 羨慕死人喇! 活動
完結後收到大會送既礦物粉底液同cream compact, 另外仲有支mini既body lotion

首先講下支liquid foundation, 收到既係102自然色

最鍾意係佢既設計, 黑白色感覺好cool! 佢既質地好水, 可以滋潤皮膚同時補濕

因為近日皮膚敏感唔敢試住, 之前試過上手, 已經覺得好薄貼, 皮膚睇落仲好似好滑咁!

另外就係cream compact, 都係102色。我對呢個粉餅好有興趣, 因為就咁睇滑嘟嘟咁好吸引, 而且附送既小掃質素好高, 一d都唔會拮面, 好滑好柔順

搵左妹妹做示範, 原本有小小紅但搽完後即時cover左, 白左感覺亦好自然, 我覺得用黎補妝好方便。不過呢個原來有少少乾, 用之前一定要打好個底啊!

呢 個純橄欖礦物粉底系列含有礦物粉末, 仲有有機橄欖油成份, 既滋潤又唔傷皮膚, 而且佢既成份仲係來自公平社群貿易計劃, 簡接幫助左當地既農民, 令佢地得到公平既保障, 非常有意思! 個人比較推薦粉底液, 另外佢個礦物碎粉反而最吸引我, 活動上冇試到, 搵日一定要去專門店試埋佢!