可能好多女生都覺得底妝唔係一件重要既事，所以會將所有既化妝品都放係對眼到，的而且確，眼係靈魂之窗，放大對眼可以吸引到好多注目，但如果唔好好打好個底，男士既目光就只會注視你既瑕疵，加上潮流興裸妝，要做到化左等於冇化，談可容易，所以今日，就要為大家分享一個裸妝大秘密。

女人一向都係全世界最貪心既動物，想擁有一枝集控油、保濕、修護、防曬、瑕疵、透薄、價錢合理於一身既粉底液，究竟有冇可能呢？

今日，可能大家會為呢個目標踏進一大步。

首先好多謝Lady Qooza俾呢個機會我去試用The Body Shop新推出既純橄欖礦物粉底系列產品，仲可以參加到新品發佈會，但係個日唔記得左帶相機真係一件失望既事

言歸正傳，The Body Shop新推出既純橄欖礦物粉底系列係採用左意大利純有機橄欖油以及100%超微細礦物粉未，所以可以做到補濕之餘仲夠哂透薄添而且，作為一間有社會責任既機構，The Body Shop採用既有機橄欖油都係來自公平貿易社群，姐係可能確保種植橄欖既農民可以得到公平的特遇，係化妝既同時都可以做到善事，真係好過平時買旗
(呢個產品要等9月先會推出市場，去門市係搵唔到，官網就會有資料可以參考=])
 

今次純橄欖礦物粉底系列推出左3個產品，有6個色調，包括：純橄欖礦物乳霜粉餅、純橄欖礦物粉底液同埋純橄欖礦物碎粉，而我今次試用既就係純橄欖礦物乳霜粉餅同純橄欖礦物粉底液。

先用既就純橄欖礦物粉底液($199)，我用既係(202)，一打開就有一股好香既橄欖味，質地比較流質、易推，上面之後真係好貼服，有SPF30，少有既高防曬系數，而且都冇咩色差，過左一陣摸摸皮膚，有彈性一D都唔乾，大部份既瑕疵都有遮到，所以幾鍾意呢技=]

唔好唔記得搽埋條頸=]

跟住用既就係純橄欖礦物乳霜粉餅SPF15($259)，一般既粉餅俾人既形象都係厚粉同乾淨淨，但由於加入左橄欖油，所以 質地幼滑，礦物粉亦都唔會有厚粉既感覺，而且粉餅既遮瑕度高，粉餅入面用掃同鏡好適合帶出街作補妝既用途，但我收到既顏色(105)比較白，有色差，所以 我就用黎做遮瑕霜。由於要試持久度所以就冇上碎粉，結果過左6個鐘，鼻尖有少少出油，實在十分不錯^^

個掃質地柔軟和爪粉度不足

利用手指既熱力令妝容更加貼服

兩款一齊用
TIPS:

係annie g到學既=]

試粉底既時候，不防搽係眼角既位置，因為額頭同面都會比較白，所以眼角既膚色先可以做到平衡

最後，要令到眼睛變得有精神，畫一條啡色眼線足夠啦！一個裸妝就完成喔;> 輕輕印開之後就知道隻色岩唔岩你啦！

加條眼線就可以出街啦！