首先，我要多謝Lady Qooza 俾今次o既試用活動俾我。我今次試用o既係 freshlook 星鑽con 閃亮試帶體驗。 今次係我第一次參加試用活動，真係冇唸過Lady Qooza 會抽中我黎抽中今次o既試用活動。真係又驚又喜呀  

正因為我係第一次參加，所以好多拎取細節都唔清楚。因為申請試用果時個訊息話會3日內有專人通知，但係唔知係我冇聽電話定點，收唔到電話。咪唸住冇得試用囉。點知Lady Qooza 會打電話俾我叫我拎返今次o既試用。最後都有拎到~~ 唔係真係到e+都未拎。

好啦，入返正題先。點都要介紹一下e次o既試用freshlook 星鑽con, 是由可愛教主-楊丞林代言架。freshlook 星鑽con 只有一隻色，係為亞洲女性也設計架。所以用左佢會有一個自然又唔做作o既大眼仔look。

我覺得自己好幸運，2隻眼度數都一樣，又冇散光。所以買con 都幾方便。為一考慮o既就係弧度問題。我今次試用o既係575 度，好可識只有一個弧度8.6。係實物中睇黎，對con有顏色部份似紫色 (可能影得唔清楚, 睇唔係好出佢係紫色黎)

但係帶左上眼又唔覺係紫色o既感覺。有大眼仔feel!!!! 睇下面o既相黎對比一下先。左邊冇戴大眼，右邊就戴左。我唸大家都睇得出好大分別下  明顯地右眼大左又有神左。

補返張兩隻眼都帶左星鑽con o既相~~~睇落都ok~~~唔會好假。我之前試過d大黑con, 帶左好鬼似機械人。對眼好實好恐怖~~e 個con 又唔會

都試用左幾次~~本人覺得e個con一般般。e對con一帶上眼就feel到佢唔係好舒服。一開始唸住可能弧度唔太岩我。對con好似郁郁地。帶耐左之後，郁郁地o既感覺好似又冇左。但我平時都係用開8.5-8.7到。帶con真係要夾岩先得呀真係~~~

以我帶con咁多年經驗黎講, e對con比較乾身。我平時帶con冇眼乾feel~~但e對con 拎我feel到眼乾。同埋重點係，好難除返對con出黎呀~~~~~~~~~~新手都係最好小心d...e個牌子d con出名夠薄....有時對眼乾，對con好似會"痴" 住左,,拎唔到出黎。我都拎左3-4次先拎到 (平時一野攪掂)

本人覺得，。平時返工返學都唔雖要用到大眼仔，間唔中貪靚用下都ok  買一盒旁下身都ok, 可以接受。但就唔suggest 日日用啦。  始終我覺得日日帶大眼con對眼係唔好的。

p.s 計遲左拎con 之後, 今次又遲左發表試用感。本來趕到係13號前發表的。點知用iphone係post唔到相架。係電腦攪左一陣，最終都係遲左,,,,希望唔會影響下次o既試用啦 >.< 再一次多謝Lady Qooza.....