好驚喜呀!!!估唔到我竟然抽中左今次既試用 , 今次係我第一次既試用文分享, 真係好多謝LADY QOOZA比今次機會我!!

好啦~應該返到正題喇!!今次既用品係夏天真係必須品 - Australia Cancer Council Day Wear Face Sunscreen SPF 30+ 價錢係$129 , 少左佢真係好大鑊!!點解?!因為紫外線係令皮膚老化同埋出斑斑既最大元兇!!當然除左夏天之外, 一年4季既日子都要靠防曬黎好好保護我地既皮膚!

我地先黎睇睇佢既外觀先:

個人偏好, 真係好喜歡有鍚紙封口既產品 , 點解?!因為保證一定新鮮而且冇人用過囉!!

再黎睇下產品既質地, 係白色既CREAM狀, 有少少微香!

開始推既時候, 心諗...........乜咁白既, 不過真係值得一讚, 佢比我用過既其他牌子防曬多左一種好重要既野....係保濕....因為感覺真係好水潤, 好似擦保濕CREAM咁!!!

再推勻之後.......我真係要講句......佢好正呀!!!原來佢係唔會泛白架, 而且延展性好!!

再等多1-2分鐘 , 已經完全FEEL唔到有擦防曬既感覺!! 我只可以講....我會日日都用佢 , 因為我係混合性皮膚 , 太油既質地我會覺得付擔好重, 但係用呢個我冇呢個感覺!!! 

  聽日我要去BOAT TRIP啦!!我就係會帶佢一齊去 , 睇下佢既防曬威力先, 我會遲D再出下集!!!希望大家都支持我啦!!