AngelAngelAngel 發表於 2011-07-09
產品評分
外觀： 功效： 舒適度：
持久度： 抵買度：
用後感

Subject: 【♥ 大眼背後的秘密 ♥】

 

 ♥ Ah Bee 戴咗con 已經有一段長日子
最鍾意就係戴 color + 大眼效果既con
戴完出嚟成個人都 sharp醒晒
但由於 Ah Bee做會計, 長時間對住部pc check數
攪到雙眼好攰 , 好乾, 試過有一次
因為對眼大乾 , 諗住捽眼可以多d眼淚水喇
點知一捽就成隻 con跌咗出嚟, 好慘 ♥

 
♥  今次試用樂敦 - C3隱形眼鏡護理液 & C3 Moist隱形眼鏡潤濕液,
感覺好好 , 眼攰&眼乾既情況, 真係改善咗好多,
平時試用既 , 通常都係試隱形眼鏡護理液,
好少會有埋隱形眼鏡潤濕液 , 今次兩管齊下, 眼睛真係舒服咗好多^^♥

♥ Ah Bee由朝早8am 開始戴con, 到晚上10pm左右, 眼睛都只係紅咗少少 ♥

 

♥ 好, 等我介紹吓佢哋先!! ♥

 

♥  樂敦 - C3隱形眼鏡護理液 ♥

樽身肥嘟嘟, 藍色包裝紙, 感覺好冰涼, 好fresh ^^
 

嶄新包裝設計, 單手就可以輕易咁打開樽蓋,

 

輕微傾斜就可以順利將護理液倒出,

 

而且透明樽身以手形設計, 防止滑脫,

 

又可以清楚見到護理液既潔淨度, 掂!!

♥  紙盒包裝上已經清楚教授洗con既方法, 圖文並茂, 清楚明白,
記住要每隻con每邊要輕輕咁捽20-30次先夠乾淨架 ♥

♥  另外, 盒既另一邊, 仲列出咗要注意既事項, 真係好細心,
e.g. 戴con先要洗手, 同埋每次洗淨, 都要泡浸對con 4小時以上等等..... ♥
 

 

樂敦既C3隱形眼鏡護理液, 有5大功效
♥   清潔
♥   消毒
♥   沖洗
♥   除蛋白
♥   滋潤雙眼
含PHMB, 可以將隱形眼鏡上既污物洗淨 & 消毒

 

♥  盒內仲隨送咗一個One Touch式既隱形眼鏡盒,
比起平時用開 , 要扭既, 呢個真係方便好多,
可以減低雙手接觸物件 &細菌既機會,
而且又唔怕個蓋會跌咗落地 , 好衛生呀 ♥
 
 
 
♥ 眼鏡盒上印有 L & R, 咁就唔怕戴錯左右眼喇 ♥
 

 ♥ C3 Moist隱形眼鏡潤濕液 ♥

 

♥ 滋潤升級, 保水能力2倍up, 好押韻, haha...♥  

 

♥ C3 Moist隱形眼鏡潤濕液,
可以即時舒緩因為長時間戴con既不適e.g. 乾澀,
同時為眼睛帶來深層 & 持久既滋潤, 令對con 更貼眼睛,
唔會因為眼乾, 而令對con 跌出嚟, 造成尷尬!! ♥ 
 
♥ 潤濕液好輕巧, 細細支, 平日可以放係化妝袋內,
覺得對眼仔乾就拎出嚟滴, 好方便
建議: 每日滴5-6次, 每次1-2滴 ♥

 

♥ Ah Bee 用咗2款產品已經1星期, 覺得效果唔錯,
平時如果唔夠瞓, 眼仔都會好攰好乾,
但奈何朝早又要戴con返工,
所以戴con時就會”銀銀地”,
但用咗C3隱形眼鏡護理液,
感覺就好好多, ”銀銀地”既情況無咗,
而且對con 好貼, 無再想跌出嚟 ♥
 
♥ 另外, 係做嘢做到好攰, 雙眼就嚟睜唔開,
只需要滴1下潤濕液, 就可以令雙眼即時叉電,
眼睛即時滋潤番, 感覺好似俾眼睛飲咗一啖可樂咁,
好refresh, 爽晒!! 由於Ah Bee用大眼color con,
透氧度較低, 所以成日出紅筋, 滴咗潤濕液後,
眼睛仲有少少紅, 但紅筋就擊退咗!!  ♥
 
♥ 護眼小tips ♥
都係嗰句, 早d 瞓, 俾眼仔多d時間休息休息,
咁先係最work既護眼之道