TobiTsang 發表於 2011-06-30
產品評分
用後感 夏日炎炎皮膚出油特別多，T-zone令到反晒光，未到lunch已經吸滿一張面油紙
油成咁認真失禮．．．一定要諗諗計仔踢走油光！除左額外選用特別控油產品，簡單一點其實由基本護膚三步曲：潔面、爽膚、潤膚入手，平衡肌膚水油份方為上策。
早前試用左Kiehl's 全新「Ultra Facial Oil-Free特效清爽保濕系列」包括：特效清爽保濕潔面啫喱、特效清爽保濕爽膚水同特效清爽保濕啫喱乳霜。一貫Kiehl's平實包裝，換上藍威寶咁嘅深藍色，俾人感覺好FRESH好爽！
系列保濕成份同天然糖份融合，以3大獨門方法為肌膚注入同鎖緊水份，同時有效調節油脂分泌。 經臨床測試證實1星期就可令肌膚水油份得到平衡，為肌膚帶來全日保濕、 鎖水、 不泛油光舒爽清新感覺。
Kiehl’s Ultra Facial Oil-free Cleanser 特效清爽保濕潔面啫喱 （$155/150ml）
使用方法：加水後形成泡沫，以向上打圈方式按摩及清潔面部，避開眼部四周，再以清水沖洗即可。
雖叫潔面啫喱，但真身係白色膏狀，似乎叫潔面膏更為適合。
加水徒手都起到豐盈幼細泡泡，而且泡泡唔會邊按摩邊變水，好似cushion減低雙手響面上磨擦帶黎傷害。
過完水感覺好乾淨清爽，肌膚摸落有啜手感，不過兔比嘅乾燥肌用有輕微繃緊。
Kiehl’s Ultra Facial Oil-free Toner 特效清爽保濕爽膚水（$180/250ml）
使用方法：潔面後，取適量爽膚水於化妝棉並輕抹於面上，避開眼部位置。
水水嘅質地，零油膩感，抹上肌膚好爽，完全唔黏~
為肌膚保濕， 即時舒緩到潔面之後繃緊感覺，配方不含酒精成份，抹過痘痘位置都唔覺刺激。同時有帶走污垢作用，抹過嘅化妝綿都輕輕變黃。
Kiehl’s Ultra Facial Oil-free Gel Cream 特效清爽保濕啫喱乳霜（$260/50ml）
使用方法：取適量的保濕啫喱乳霜，均勻塗抹於面上，避開眼部位置。
啫喱質地夏天至岩用！好易推開同被吸收，肌膚表面唔油膩但有輕微黏手，唔好期望有強效深層保濕效果，乾性肌膚未必夠補水，兔比會用水份精華打底再搽佢作鎖水，成晚開冷氣第朝訓醒都保持到肌膚水份。
成個系列5-Free溫和高效配方，不含油份之餘，仲不含Paraben防腐劑、矽氧烷、色素同香料，性質夠溫和值得加分！早晚用左哩三寶個幾星期，肌膚不至零油光，但確實明顯少左面油，可見控油效果出色，相信應該非常岩油性皮膚用。
