TobiTsang 發表於 2011-06-29
產品評分
用後感最近兔比試左開架品牌Kiss Me出品Sunkiller BB納米防晒乳液同強效納米防晒乳液，價錢不過$52一支，相當抵用。兩款同樣係SPF50+及PA+++乳液，就算戶外活動都夠保護皮膚免受紫外線傷害。
BB納米防晒乳液係肉色乳液，同粉底液相近，而強效納米防晒乳液係白色乳液。兩款質地都好水，延伸性超強好易推開而且零黏笠，搽大半日肌膚都保持嫩嫩唔乾。
零油膩感，用面油紙都印唔到油，只係BB納米防晒乳液甩左D色。
BB納米防晒乳液有調色作用，搽左膚色明亮左無咁暗暗黃黃。以往兔比唔想用殘樣示人都會先搽高防曬再加BB cream遮醜，有佢出現就方便得多！雖然不及BB cream咁好coverage，不過如果您本身膚質好又追求爽爽嘅感覺，佢會幾岩您。不過留意份量唔好一次搽太多（當然太少又提供唔到足夠保護），唔只無助增加遮瑕度仲搞到塊面白得太假，尤其對於深膚色女生。
強效納米防晒乳液適用於面同身，搽上去唔會過白，不過留意搽身之後最好都用卸妝品徹底卸走，因為兔比發現用完沐浴露沖涼，手臂都仲留有白色殘留
