wensday 發表於 2011-06-29
產品評分
外觀: 功效: 舒適度:
抵買度:
用後感

我既第一篇試用文, 多謝Lady Qooza比個機會我~!

先俾包裝外貌大家睇睇先, 無錯, 佢就係價值$119.9大元既舒柔Trimstyle美型之刀 3-in-1! 大家可能會嘩, 過百銀買把剃毛刀! 咁你就錯啦, 佢無咁簡單!

擁有靚靚既紫色外貌, 又好啱手型既剃毛刀~! 

佢將一把剃刀加電動剃毛機合二為一, 方便去旅行/ 沙灘, 一買即用. 而把美型之刀啱哂我而個懶人, 因為佢仲包埋電蕊, 兼有個透明袋仔, 方便帶出街!
 
開咗盒之後, 唔好咁快將個盒拋落垃圾筒, 佢有個指示教你點用, 雖然要睇英文, 不過有埋圖, 好易明!
 
講下Shave個邊, 平日我用開得2層既, 貪佢夠平, 用完就棄, 至於好無用就見仁見智啦, 價錢取勝~今次而把美型之刀有4層, 又含蘆薈又有維他命E潤滑條, 一聽就知係好野啦, 剃完D皮膚仲好滑溜架~4層刀片有乜好處, 咪就係第1層miss咗條毛毛, 都仲有3層補中. (刀片用舊咗可以換)
 

講埋另一邊Trim, 佢就係適合修整比堅尼位既電動刀頭, 個紫色蓋好似梳咁既係比你揀想有幾貼近去剃, 佢有分1,2,3段, 俾你自己調較, 當然唔加紫色蓋去剃就最貼最清爽啦. 把剃刀上面有個白色開關, 禁一下之後就可以用, 用完禁返下就會熄, 唔駛長按. 如果shave, 而個功能就唔適用架啦, 都係要手動! (話事話, 男朋友做錯野仲可以用黎幫佢剃頭, 真係一物幾用呀, 不過當然唔建議咁用啦, 哈哈, 雖然我真係有咁諗過)

而張相係俾大家對比下shave前, shave緊同shave後既差別.  濕咗水之後剃, 就好明顯感覺到蘆薈同維他命E潤滑條既作用同功效!完全唔會刺激同剃完起紅點!

如果你問我, 試用完會唔會介紹俾朋友? 我實答一定會, 因為電動刀頭修整比堅尼位真係好正, 着褲仔都唔駛驚會唔會走毛呀! 加上又唔駛好似其他電動剃毛個D要去電器鋪買, 啱哂怕怕醜醜既女仔~!