「工欲善其事，必先利其器！」

雖然我係freelance化妝師，但好想同大家講，宜家做化妝師唔單單只係做妝型設計，更需要做埋髮型設計，與此同時我地需要應用到好多髮型用品，就好似粟米夾、卡文捲、TONGS等等既捲髮器。

我相信有不少女孩子都有過呢個經驗：用TONGS捲攣頭髮個陣都會唔小心燙親過！right???

對化妝師／髮型師而言，燙傷其實可以講係「小事一樁」！由練習到試造型到當天造型，燙傷都不下數十／百次喇。直到最近，係facebook見到Babyliss Pro MiraCurl既短片之後，真心覺得簡直係一個偉大既髮型產品！

今次有幸參加「MiraCurl完美曲髮8秒新體驗」既user trial，就睇下MiraCurl自動捲髮器有幾犀利！當晚有個product launched既event，有Kelly親身做試範架！可惜我未放工去唔到，剩係趕到去blogger event。當晚有好多blogger出席呀，現場仲有由韓國親自飛過黎既專業美髮師Mr. Bumho(紅色西裝個位，好NICE架!!!)同Marco So即場示範點用MiraCurl自動捲髮器。

其實用法真係好簡單，比TONGS更方便！TONGS開著之後都要等佢既溫度慢慢上升，仲要用手去試係咪已經傳熱，但MiraCurl自動捲髮器就唔洗既，見到機身盞紅色燈（溫度預熱指示燈）熄左就可以用架啦！我本身已經電攣左把頭髮架啦，但為左有效果俾大家睇到，我就先夾直返啲頭髮先啦！

用捲髮器之前有幾點要留意：

~捲髮器既方向係面向自己（唔明唔緊要，捲髮器係有貼心提示架！）

~簡單為自己既頭髮分區，每次取大約2-3cm既頭髮（唔好心急，一次過取太多頭髮呀）

~頭髮必須拉直後先放入捲髮器

~較好3個setting（溫度，時間，捲髮方向）

• 溫度：有3個溫度選擇，190°C、210°C、230°C（我建議首次用可以唔洗揀咁高溫，我用TONGS都係180°C-220°C 左右）
• 時間：有3個時間設定，8sec（輕度捲曲）、10sec（柔軟捲曲）、12sec（細緻捲曲），可以按唔同既需要揀唔同既設定做唔同既效果。
• 捲髮方向：如果捲左邊面既頭髮，咁個mode就要較「R」；如果捲右邊面既頭髮，咁個mode就要較「L」；而捲後面既頭髮就較「A」，咁佢就會自動咁每次一次左一次右咁捲架啦！

好！開始捲髮！

首先，取大約2-3cm既頭髮，將捲髮器擺係你想捲曲既位置，拉直已取既頭髮，整齊咁放入捲髮器中。
放好之後，閉合手柄同時鬆開頭髮，咁頭髮就會自動捲左入捲髮器入面。捲髮器會按照返之前既時間設定，夠鐘捲髮器就會自動發出聲響提示，即係話操作時間已到，咁就可以移開捲髮器，再按返步驟不斷捲曲頭髮。

係咪好簡單呢？就算係自己幫自己捲髮都冇難度啦！而且又唔會燙親手，從此以後，我既化妝箱有多左個好拍檔喇！！

總結下先，我覺得MiraCurl自動捲髮器真係好方便，只要係咁易取一束頭髮再夾一下等幾秒到就搞掂！而且操作安全，個時間設定功能就唔驚夾得太耐而傷害到頭髮，捲髮器仲有個專利既陶瓷捲髮筒，有修護功能，所以就算捲過既頭髮都好有光澤。但我冇俾滿分既原因係...對我黎講，個捲髮器有DD重，拎得耐有少少攰 =P

MiraCurl自動捲髮器
產品價值:   $1689
宜家已經有得賣架啦！

My Blog: http://manyee.theztyle.com / http://blog.qooza.hk/ManyeeChiu