榮獲<<旭茉Jessica>>雜誌既「2013 Best Seller-Hair Care Product大獎」,呢隻美國箭牌洗護系列原來來頭唔少呢,究竟有乜咁特別?應該就係令到秀髮柔順健康咁快速生長呢個賣點勒,不過我用呢短短幾日就唔會見證到呢個賣點勒,就睇睇佢有無其他賣點丫.

我既一頭亂髮

唧適當份量既洗髮露倒嚮掌心加水起泡再搽嚮頭髮上按摩後以清水洗淨,不過加左兩次水都發覺唔係好起到泡呢,如一般洗頭一次後,唔知係咪份量唔夠,感覺洗唔哂成個頭,再重覆一次步驟,呢次好少少啦,不過都覺得唔係好起到泡泡呢.

之後到用護髮素,又係話要加水起泡,但唔知係咪寫錯,因為我一向用護髮素都無泡起到架bor,不過寫加黎試試...果然係無泡架,咁照樣搽上頭髮度按摩一陣後沖水...其實沖水時又唔覺得有好大驚喜,因為以往用開既護髮素,沖水時係感覺到頭髮好滑好線手咁.

用左幾日...唔...唔覺有太大分別,真係唔見得頭髮柔順左,暫時未見證到有乜特別之處囉.

是次試用由lady qooza提供.