嚮未介紹呢兩樣產品前,先申報一下我既吋數啦,其實我就唔算肥既,不過日日坐得多,脂肪就集中嚮下半身,又鍾意食埋哂油膩食物,所以減肥對我黎講真係一年365日都需要呢.

腰:25吋/臀:35吋/大腿:18吋/體重:45.9kg =101磅

試用既產品有兩款,首先出場係速纖飲,一盒十支,內附一支黑色棍仔,本來都唔知做乜,原來用黎輔助開蓋既,啪一下就搞掂好方便,將支速纖飲加入250ml清水後,變左茶色,味道…唔…其實只係好淡好淡既梅味咁,絕對容易入口呢.最好既就係佢聲稱燃燒過剩脂肪之餘仲可以有效提昇肌膚緊緻度,美顏又可以減肥都幾吸引,不過如果$3XX一盒十支,日日都要飲,咁一個月成千蚊既話我就覺得貴左些少咁勒.

而另一隻產品係終極纖型4合1,頭15日每日兩粒,之後可以每日一粒,其實粒丸我覺得都算係幾大粒,所以…可以既話將佢體積減半應該會好D…價錢約$4XX一盒30粒.

飲左食左大約一個星期, 其實各方面都未有太大分別,吋數依舊,皮膚質素好似都未有顯著分別,可能試用暫時只係一星期所以未見特別成效啦,希望繼續食既話真係可以28日就減到吋數啦.