我相信已經有好多SIS 介紹過架啦!

就係【BIORE清爽透薄系列 – 長效輕透防曬乳液】

呢支【BIORE長效輕透防曬乳液】係日本係銷量 NO.1 架!!!

而且佢仲可以用係 面 OR 身體部分!

唔知其他SIS同我諗法係一樣呢?

總係覺得防水既防曬會油笠笠!搽完極油唔舒服!

而且會好厚!!!

同埋…通常搽完好明顯會白色一忽咁!!HAHA!!

所以…當我睇到佢後面既介紹果時!

我即刻想快D開黎用下!!HAHA!

(由其岩晒我夏天行返公司果條路!!又曬又熱…仲會溶添呀!!)

小小溫馨提示 : 記得用果時要上下咁搖匀先用呀!!

雖然..我唔係崇日果堆…

但係每次見到MADE IN JAPAN 或者係 日文字…

用果時特別放心…HAHA

呢個就係”吱”出黎之後,可愛既防曬啦!!HAHA…

其實用面既話大約呢個份量 (或者多小小) 用全面都OK架啦!

當然用係身緊係要多D啦!

易推度 : ★★★★★

我真係要勁讚呢支野既易推度!

基本上倒完防曬係手,係咁易打斜或者打直小小隻手!

D防曬係直標咁款!!!

防水度 : ★★★★★

第二樣要讚讚既就係呢個防水度啦!

真係岩晒出外活動 同埋 游水既朋友!

倒完D水落隻手到,明顯見到水珠,冇浸入皮膚到!

之後,我再將水推開!

好明顯只係變左細水珠,同樣冇浸入皮膚到!

好啦!

到用係面到啦! (我會先搽半邊面!HAHA)

用法都係搽係面到….推開就係啦!!

又黎到【BEFORE & AFTER】!!!

AFTER 比 BEFORE 有多少少光澤感!

但係完全冇泛白既問題啊!! <~~~超鑽!

呢個兩邊都用晒!

其實感覺用左 = 冇用! [[[因為真係好乾爽!]]]]

完全唔會油笠笠呀!!!!

用完光澤感會提升,(但唔係油光,haha)

但就唔好Prefer 佢會可以遮毛孔呀果d啦!

再黎就係用係d手手腳腳到啦!

個感覺都幾清爽呀~~haha!!!

總括黎講 :

好多SIS 話呢支防曬原來係有酒精!

其實一開始我都唔太敢用係面,怕敏感同起粒粒!

同埋防水度高既防曬我好易會有粉刺BB!

但係用左差唔多個幾星期..

我面冇敏感,, 粉刺BB冇出現!

而且返工勁標汗…防曬都唔係點溶

(因為我之前返工途中,防曬一溶, D防曬係會一PER野咁痴住係面!超級唔舒服)

如果真係怕會有粉刺既朋友!

我建議注意下清潔面既方法會大大減少有粉刺既問題!

所以總括黎講,我知點解咁多人用BIORE既防曬!

同點解咁多人鍾意佢啦!

價錢親民! 又用好!!

不過….

我仍然係好想試呢支 [Biore含水防曬保濕水凝乳]

唔知有冇SIS 知 呢支台灣買平D定係香港買定D啊!

希望各SIS 會歡喜呢篇文啦!