好開心今次被Qooza選中睇今次詹瑞文導演作品 - 「失戀單位」的舞台劇~原本諗住搵個失戀FD去睇黎開渡下佢,點知個FD臨時話有節目,搞到我要搵人睇住囡囡捉老公仔陪我去睇~

講返演出個位置係灣仔會展附近既香港演藝學院,因我地遲左幾分鐘,就要罰企睇住先,等一陣轉場先可以埋位坐(所以各位下次去睇show千期咪遲到!!!),不過由開場開始已經有笑位,有改版既江南style,哈一路睇一路笑睇佢地跳,連觀眾都一齊做氣紛好好,係個場比預期中細d,因為我未去過睇舞台劇,一直有無數幻想個場係好好好大~

不過場細有場細既好處,就係可以好清楚望清表演者每個表情,感覺更真實~而且佢地真係好好戲,連新加入的兩位新人都好正,(特別令我深刻扮女人果位)其實真係好多笑位,仲記得果句:你搞我就好啦,做乜搞埋我條女~

哈睇過既人實記得呢句既意思~只係有一幕仔我不太喜歡係有一度無啦啦唱歌....  或者失戀既人會有好大感覺去聽果首歌,但我同老公仔一齊就投入唔到,不過總括黎講九成時間都笑死你,真係好好笑~~~連我個cool爆老公都忍唔住笑~仲要完場有埋Q旁比你可以介紹埋FD黎睇,仲有優惠睇佢地既獨角戲,so good,令我有個開心又甜蜜的聖誕節~

(呢張相係入演藝學院入面)

(睇完舞台劇仲有簽名影相會~四位主角好Nice呀)

(終於到我地影相喇~~haha)

(左邊相係完場後要排隊等四位主角影相同簽名位置,右邊有牌比你影住相先)

 好好笑架~~~同我一齊咁鐘意喜劇既你又點可以錯過呢~~