夏天到來, 我最想搵一隻唔使再搽面霜都可以鎖水的保濕精華
保濕精華我大大話話用過無數隻, 但好多效果都唔夠持久
一係搽完好水潤, 但隔一陣塊面又乾返, 或者太潤令成面都笠痴痴

今次試用的 Prodigy高效透明質酸保濕精華 ($448/15ml),
雖然我未聽過呢個品牌, 但居然可以滿足到我上面的要求!!

哇! 400幾蚊只係得15ml, 計返每用1ml已經花左$30蚊, 其實都幾肉赤架~
但係, 用落真係覺得好好用喎....................
真係同敷一片30蚊的mask一樣架!!!

對於洗完臉好乾的人黎講, 每次一泵係唔夠架!
我就起碼要2泵! 寧願濕d都唔想用得唔夠, 唔夠等於無用架!!!!
所以千其唔好因為貴而慳住用!

其實推開左之後係超級快吸收, 我基本上係影唔到佢好濕的時候...........
一推、一拎相機、噢.....已吸收得7788.............

佢除左有高效透明質酸及甘油可以鎖定水份之外, 我最欣賞佢可以立即舒緩敏感皮膚!
我臉面皮薄, 微絲血管好現, 有時洗完臉都會有少少泛紅, 但搽左佢之後, 退紅退得快左!!!
而且最最最愛佢保水能力極好, 係即時令到乾紋淡左~
基本上佢雖然係水狀質地, 但係好夠滋潤度, 用完佢就算唔搽保濕面霜都唔會覺得繃緊~

水份係短時間內上升左20幾%!!!!
所以貴d都值呀!!!!