IssiYyi 發表於 2011-05-23
產品評分
外觀: 功效: 舒適度:
持久度: 抵買度:
用後感
大部份女性
每個月都會為左某幾日而發,發脾氣,情緒唔好
issiyyi都會因為呢段日子, 而令情緒有少許波動, 但未去到很嚴重
 
每每大約月經前一星期左右
issiyyi開始覺得有點身體不適
(排先後次序的不適)
頭痛的先兆, 失眠, 胸部及腹部的脹痛, 腰骨及肩頸痛, 再頭痛
而小腹的經痛就不是每次都有, 但試過一痛就痛到標冷汗
真係女人之苦呀~
夏天時仲慘....下體覺得更焗促
如果不小心被細菌入侵, 更會有異味及痕癢
尤其去到有貓狗的地方, 佢地硬係鐘意來"嗅"下, 簡直尷尬得很
所以要揀o岩合適既衛生巾之餘, 仲要配合埋含Lactic Acid (乳酸) 既女性專用潔膚用品
 
點解建議要用含Lactic Acid (乳酸) 既女性專用潔膚用品來代替沐浴露黎清洗女性重要部位??
因為女性陰部的pH屬酸性(pH3.8-4.2) ,作用為一層天然保護膜,有利益菌於陰部環境生長,
對抗外界的細菌,預防陰部受到外來刺激感染。
陰部內的Lactic Acid,是維持pH的重要元素,
可令這天然酸性保護膜正常運作,防止外來感染刺激,令妳時刻保持清爽。
但若使用普通沐浴露,陰部的天然保護便會減弱。
還會破壞女性特別部位的天然酸性保護,容易引起不舒服或不正常分泌。

身體每個部位既pH值也不同的
 
一提到女性專用潔膚液, 腦海即時諗起Lactacyd呢個名字
細個時, 都記得媽咪都有用呢隻潔膚液架
而家出左新既長效清爽日常配方
單手式開蓋樽裝, 方便使用
樽口細細, 容易倒出適量既份量
乳白色的潔膚液, 味道超正, 好清香
加水起泡, 用得
平日issiyyi會起晚間取代沐浴露
而經期期間, 朝早起身都會用佢沖一沖, 爽哂~
 
 

除左潔膚液外, 仲有方便帶出街的女性專用濕紙巾
當然是清潔下體的
背後仲清楚印上expiry date
包裝有如普通的濕紙巾般
面頭是撕貼式的封口包裝, 撕貼邊沿有個紙貼紙, 以防買之前被人開封過
這設計雖是方便, 但一經開封後, 一定要貼番好才不會讓空氣及細菌走進紙巾內
同埋一定於開封後盡快用完, 因以前試過放得太久
濕紙巾變成乾紙巾呢
其實....Lactacyd仲出左獨立包裝的濕紙巾添
 
濕紙巾的size有如大半張A4紙
而濕度剛剛好, 不會水滴滴的那種
而且帶很微的香味, 成份同潔膚液一樣的
issiyyi很喜歡於經期內帶它出街
極之方便, 有時不少心整髒內褲, 都可以用它清潔
就算一日抹幾次, 都唔會令皮膚變得"鞋恰恰"
起經期濕笠笠又焗既情況下, 用完真係好爽好舒服
仲可以消除異味添
 
各位sis....唔想果幾日有濃烈既"女人味",就要試下用Lactacyd喇~