KastaChau 發表於 2012-05-29
產品評分
用後感基本上一到夏天, 暗瘡/ 油脂問題就會湧現, 再加上生理質素,
我基本上都冇完完全全同佢地講過Bye bye, 的確好困擾我 >"""<
市面上有好多對付暗瘡既產品, 平至貴都有,
但如果你問我價錢同品質成正比有邊款的話, 我會推介自己都有一直都用開既：
曼秀雷敦 acnes 樂膚潔暗瘡護理系列!!!
第一樣就係雙效磨砂潔面乳~ 我多數都係夜晚先用呢個...
大家可以睇到佢所講既藍色&綠色粒子, 粒子好幼細, 減低刺激性,
先濕面再擠適量的潔面乳係心再上面, 其實推開按摩之後,
你會發現其實都唔係好覺得d粒子係到架喇 =O=" 所以呢隻"磨砂' 日日用都ok的~
另外一隻洗面就係冇粒子既...控油清爽潔面乳
呢隻我就會係朝早用居多的, 因為感覺上佢既控油度勁D...
仲有神奇的toner...暗瘡護理爽膚液
但我覺得個出口略遜一籌, 有待改善...
未用前你會見到佢分左兩層架, 每之用都要搖混...
入面果D係白色吸油粉末, 可以即時吸走多餘油脂, 令肌膚時刻保持清爽
但你拍上面之後又唔覺得有層粉咁架bor, 但就真係出小左油, 夏天既早上我都一定會用佢!!!
最後就係我最鍾意既：暗瘡護理液
• 含桃葉提取物，有效調理肌膚成不易長出暗瘡的膚質，幫助舒緩暗瘡引致的不適；
• 含金縷梅提取物，幫助收細毛孔，調理皮脂平衡；
• Bio Antiage B能迅速滲入肌膚，修護暗瘡部位，且具有美白、保濕的作用。
佢細細枝, 方便袋住佢周圍去都冇問題~而且佢只要塗係有需要既位置就ok, 唔洗搽哂全塊面的
唯一我覺得爭少少既係衛生, 因為佢係走珠設計, 係就係好方便, 係d粒粒位到碌就得,
但始終會驚d細菌依附左係個走珠位而帶到其他位置都係, 所以我每次用之前之後,
都盡量會搵野抹一抹佢先架~乾淨d麻 ^^" !!! 如果呢枝護液第日可以改良成吱吱裝的話會更好呢!!!
其實佢呢個系列仲有其他產品添架, 不能盡錄啦!!!
大家可以去佢地website睇睇丫...
http://www.mentholatum.com.hk/brand.jsp?catid=11|18|23
thanks for reading ^^
