鼻敏退散~眼鼻不再腫~

曼秀雷敦爽鼻通噴霧 

香港空氣出名差，又多致敏源，加上我本身天生鼻敏感，每日朝早起身開始就打乞嚏打個不停，直到返到公司為止…都歷時至少2個鐘!! 天氣轉變、多塵、室內室外溫差大、濃烈氣味等都足以突然引發我嘅鼻敏感 

所以我長期都有個千年黑眼圈，另加眼、鼻紅腫…好多時都令人以為我喊呢

一直都好希望可以擺脫鼻敏感，以前會選擇睇西醫，通常都係開d西藥同埋噴鼻藥，可能因為有藥性，每次噴完鼻都會有噴劑倒流去喉嚨…嘩…好苦呀… 食西藥又會眼訓，所以後來都冇再因為鼻敏感去睇西醫啦

亦有朋友話可以試下用洗鼻用品，今次見到曼秀雷敦爽鼻通噴霧試用活動就立即登記~ 

仲送埋薄荷膏同爽鼻通tim~~~~ 保證唔會鼻塞塞~~~

 估唔到曼秀雷敦爽鼻通噴霧咁大支~ 磨沙樽身+日文字，感覺好安全~ 再睇睇原來係日本製造架!!

寫明不含藥性 咁就唔洗怕倒流好苦啦~~~ 大人細路都適合用

咁佢咩嚟呢？有用呢~？

佢係等滲壓式無菌海水溶液

含微量天然元素，幫助暢通呼吸、清洗、濕潤同埋保護鼻腔，而且係獨有薄荷配方~

賣點係可以對抗8大鼻腔不適：

鼻塞

流鼻水

花粉敏感

灰塵敏感

鼻腔乾燥

鼻子發癢

空氣污染敏感

鼻塞引致之黑眼圈

噴出嚟有少少白色~ 好似泡泡咁

用法非常簡單~ 揸實樽身，記住食指要貼近噴咀，

輕輕放入鼻腔就按下噴一下，跟手用紙巾抹返流出嚟嘅噴霧就ok啦~

試用期間每日早上起身覺得就快發作就即刻噴!

有鼻敏感嘅朋友應該都知道鼻內面果種 (痛心=__=) 感覺，即係鼻腔入面痕痕腫腫脹脹咁，

當放個噴咀入鼻腔同埋噴果時其實都有少少刺激，但未至於會刺激到打乞嚏~

為左令自己舒服少少，我唔會將個噴咀放得太入，太約到中間左右就夠了，因為噴果陣都有射程架嘛~

噴完係會有d白色噴劑流返出嚟，用紙巾抹一陣就搞掂，鼻腔入面會感到涼涼地，果然係薄荷配方~

但唔會好似有時食薄荷香口膠咁刺激到打哂乞嚏

噴完之後基本上都唔會發鼻敏感打哂乞嚏~

鼻腔都唔會痕癢~ 效果可以keep到office hour咁長tim~

眼同鼻都唔會再紅腫~ 更易上妝之餘亦都唔再俾人誤會我喊啦~~

至於黑眼圈呢~ 應該要d時間先見效啦~期待中~

多謝曼秀雷敦