對上一次用bb cream已經係N年前既事(N>3)...當時bb cream仲未係好普及, 無論功效定或質感都同而家爭一大截
不過對於當時仲係化妝新手既我又點識分好壞, 直到身邊好友話我厚粉先知衰...
的確當時支bb cream又厚又杰, 查完塊面一片死白咁...諗起都驚, 亦都因為咁令我對bb cream避之則吉

直到近年bb cream再一次興起, 仲要愈出愈多唔同功效, 連大牌子都出埋一份, 令到我開始有d心郁
咁岩又俾我試用到Neutrogena既美白防曬BB Cream, 好多謝qooza俾我呢個機會重新認識bb cream

廢話少講, 去片文

 
市面上見到多數bb cream都係牙膏裝, 反而neutrogena用泵裝又靚仔又好"手查", 仲要係我最鍾意既珍珠白

bb cream既真身係象牙白色, 有陣淡淡既香味
(不嬲都唔鍾意查上面既野有味, 但好難得呢隻味清新得黎我幾like, 唔知係未百合花味呢? 我見佢話加左百合花精華用黎改善膚色)

查上手既效果, 真係超∼透薄!! 即刻試埋上面睇睇

 
首先係...素顏照...

查半個銀仔份量既bb cream

上埋碎粉~

可以見到膚色即刻明亮左, 唔係死白!!係透白既白!!
同埋一d都唔杰身, 好易推開兼好清爽! 不過亦都因為太透薄所以遮瑕度非常有限...如果皮膚唔係咁好就只能當base了..
另外估佢唔到既係都算幾保濕, 平時我係office坐到下午個鼻翼兩邊就開如"lut"皮, 但用左佢日都未抽乾水, 個妝仲維持到~

總估黎講呢支bb cream係一支好唔錯既base, 基本要有既功效如防曬*保濕亮白都做足, 只係遮瑕唔係太理想
(*去海灘行山等郊外活動另計, 因為佢始終都係得spf19+)

______________________________

今次試用真係令我對bb cream完全改觀, 從來唔知用bb cream個妝都可以咁自然, 重點係對塊面零負擔唔會焗住焗住, 正