hoichi1009 發表於 2012-05-14
產品評分
用後感
BB CREAM 由韓國開始, 因為方便, 所以近年大行其道, 連歐美日牌, 都忍唔住要分一杯, 出埋一份. 但係講真, 冇論大小牌子都好, 好多出到嚟, 一係太薄, 遮唔到瑕; 一係太焗身, 仲有D太白, 有D太灰, 有D搽完起粒粒.
認真, 我未試到有一款覺得好啱心水.
因為近年NEUTROGENA都好致力於美白PRODUCT, 所以佢今次出BB CREAM, 定位唔太貴, 又有D防曬, 我都幾有興趣試.
佢個包裝, 遠望真係估佢唔到係 BB CREAM, 反而似係護膚品. 佢採用揼裝, 方便又衛生, 無疑對我嚟講係有加分.(你知, 好多都係TUBE裝…碌嚟碌去, 份量又難控制D…) 留意, 原來NEUTROGENA呢隻BB CREAM都係韓國製造.
不過, 包裝再靚, 唔好用嘅話, 都係廢. 所以講返QUALITY先.
假如當係防曬用, 佢有SPF19, 同埋pa+++. ..室內都可以, 但係室外就好似差少少.唔太厚身, 你見一推開都幾易推薄. 爽身有微香, 氣味都算討好. 唔至於輕如無物, 但係唔算焗身. 假如係室內工作有冷氣. 用足一日都唔係問題. 見到有人話佢厚…
其實, 比起厚, 佢應該係白先真.
大家可以對比素顏,
上一半,
同上哂之後嘅分別. (有加碎粉, 畫眉, 同lip gloss)
好白?唔好下定論住. 原本我都好失望, 不過轉頭照鏡, 發現好似冇之前咁白喎?!
原來要過d時間, 等佢同膚色融和. 融和之後, 白得嚟都唔會唔自然. 雖然對我嚟講仍然係白咗D. 本身遮蓋力還可以, 不過因為白, 假如係斑之類, 喺白之下係更顯. 適合本身白底, 少瑕疵, 或接受改善膚色唔遮瑕都得嘅人. 講到尾, 唔能夠代替粉底.
用咗一排, 掌握到個份量, 薄薄地上一層, 等佢5分鐘. 係咪唔太覺我上咗粉. 但係個面色又好過素顏呢?!
平時WEEKEND唔想化太厚妝. 用呢個BB CREAM打底, 好似我咁, 畫返條眉, 搽返LIPGLOSS就行得. 以質地嚟講, NEUTROGENA都係一個唔錯嘅選擇.
