SusannaYiu 發表於 2012-05-12
產品評分
用後感
話說我係呢個公司做左四年…
但係頭一年既夏天,我中左4-5次暑!
但係之後果幾年…雖然冇中暑!
但係呢到既夏天,個太陽好似係正我個頭頂咁…
真係熱到【暈】,曬到【嘔】
所以…我每天既夏天防曬,遮,同埋上年加入我既夏天三寶大家庭既【手提冷氣機】
係缺一不可!!!!
因為天氣太熱..所以我同防曬 / BB CREAM / 粉底 既要求 :
1. 唔好太LUP!因為太LUP我寧願唔搽!夏天已經熱…用完仲熱咪死得?
2. 唔好太易就溶,因為我好易出好大汗,仲要咁熱既環境!
3. 因為我皮膚都黑黑地..所以要岩我既膚色
4. 通常BB CREAM都比賽厚身,所以好怕用完會起粒粒野!
(唔知大家同我既要求會唔會差唔多呢????!?!)
以上就係我每日只要曬幾條街先返到公司既路程?! 所以…你話我點樣可以缺少我既防曬三寶呢???
好啦!今次就等我試下呢個
NEUTROGENA 既【FINE FAIRNESS BB CREAM UV】
我諗大家鍾意BB CREAM 既原因都係因為…
BB CREAM 除左可以調節膚色之外,仲有護膚既功能
就好似呢支BB CREAM 咁
佢入面有一種活性美白精華HEALTHY WHITE COMPLEX,
入面有一種穩定性既維生素C,可以深入肌膚底層
阻斷黑色素,
所以可以美化膚色之餘,仲可以美白
用呢個BUM頭,禁一下既分量已經可以用晒全面
其實好多SIS會怕 BB CREAM 會太死白!唔岩自己既膚色!
不過唔駛怕!其實BB CREAM 用左上面之後會慢慢調節返去自己既膚色
同埋只需要一D小撇步就可以令膚色同自己既膚色變得近似~
我既皮膚有些小紅紅地同…其實我塊面都黑黑地
左面既圖 : 只係用完BB CREAM (好似比較白)
右面既圖 : 係我用完BB CREAM 再加我既小撇步
睇落膚色更加均混,同埋泛紅會減少好多啊!
我既小撇步就係每次用完咩色既BB CREAM/粉底都好
上一層岩自己既碎粉啦!可以訂妝之餘又可以調返岩自己既膚色
(呢個方法通常用係拎左D BB BREAM 或者唔係咁岩自己膚色既粉底時,
最好就係好呢個方法!
因為我成日覺得係你用粉底,而唔係…粉底用你啊!)
至於今次試用既NEUTROGENA 既【FINE FAIRNESS BB CREAM UV】
我覺得有好有唔好啦!(好廢UP既一句說話啊!)
好處 : (1) 我覺得佢BB CREAM 中佢唔算係LUP身 (都清爽)
(2) 用左一個星期,佢冇起粒粒既情況!
(因為我試過多太BB CREAM都會起粒粒,太焗身!呢隻冇咁既情況啊!抵讚!
(3) 呢支BB CREAM 30ML黎講,大約 $1XX (應該唔過 $150)
對學生或者每日都要用防曬既人黎講算係OK!
(可能有時萬寧做75折仲平!HAHA)
(4) 同埋我用左佢一星期左右,皮膚有變白啊!!!
當然佢亦有壞處 : 就係……..對於我黎講我返工既時候真係好大汗啦
行返公司出完汗已經冇左一大節BB CREAM,會比較易溶!
不過冇所謂啦!帶佢返公司補下防曬就OK!HAHA
【最後!記得用完BB CREAM 要卸妝啊!!!】
