PAPULEX 3重抗痘機制試用活動 - 用後感 by KarenPandaLee

外觀：		功效：		舒適度：
持久度：		抵買度：

相信好多朋友屋企除左有蘆薈產品之外 , 另一種護膚之寶就係 " 暗瘡產品 " ,
女人一個月好朋友來臨之前 , 暗瘡就自自然然又會搵上門 , 想佢地唔好出現都好難 ,
所以屋企梗有一 set 暗瘡產品用來旁下身 .

今次試用產品係 Papulex soap free cleansing gel 150ml & Papulex oil free cream 40ml .

Papulex 這隻品牌真係未聽過 , 上網 search 一下 , 至知道係法國產品 ,

見到好多台灣 blog 都介紹呢隻產品 , 睇落又唔錯喎 , 而且仲有個中文名 " 百倍麗 " ,

不過品牌 website 就只有英文 , 想再了解多 d 資料就要比 d 時間喇 .

PAPULEX 百倍麗，三重淨荳機制從”第一步”改善肌膚問題，

三倍的自信微笑來自擁有明亮光采的健康肌膚。

維他命B3 Nicotinamide，改善老廢角質堵塞情形，

調理肌膚維持肌膚健康。Zinc PCA，

減少油脂、改善油光，維持肌膚油水平衡。

Papulex soap free cleansing gel 150ml

使用方法：早晚使用於微濕的臉部及其他需清潔部位 (如頸部、胸部及背部)，

輕輕按摩後，用清水沖洗乾淨並輕輕拭乾。本產品亦可於淋浴時使用。

個 packing 有 seal 住 , 好安全 , 唔怕有人開過 , Made in France ,

開左 12 個月就要用晒 , 用法都印埋係個產品上 , 不過好可惜冇中文 ,

所以唔係咁 user-friendly , 呢點要改改 .

打開後 , 感覺好清新既味道 , 透明色 , 唧左出來感覺好似膠水咁 ,

加左小小水就洗面 , 不過唔知點解冇泡泡既 , 不過洗多幾次 ,

我至起到泡泡 , 不過就唔多 , 有涼涼地既感覺 , 洗面好乾爽,

不過呢輪我面部缺水 , 所以我洗完就比較乾左 d , 雖然最近暗瘡唔多 ,

但都仲有一, 二粒出現一下, 用左 2 - 3 日暗瘡就謝喇 ,

而且又唔會有好深既暗瘡印 , 一個字 " GOOD" .

有時背部都會出 d 粒粒 , 我都會用 d 磨砂既 , 知道呢隻都可以用埋背部 ,

所以都試下 , so far 都唔錯 , 覺得背部 d 粒粒真係少左 , 遲 D 夏天來臨 ,

背部都會出汗 , 出粒粒既機會都會多左 , 呢支 cleansing gel 就岩晒喇 .

Papulex oil free cream 40ml

使用方式：早晚於清潔後，輕輕擦拭於皮膚上，並可輕微按摩幫助肌膚吸收。

packing 有錫紙 seal 住 , Made in France , 一樣開左 12 個月就要用晒 ,

同樣用法都印埋係個產品上 , 今次仲有一張英文說明書 , 不過都係冇中文 .

感覺冇咩味 , 白色 cream 狀咁 , 但唔杰 , 好容易推 , 一陣就吸收晒喇 ,

好明顯睇到手部由頭先好乾就滋潤返晒 , 而且好爽又唔笠 ,

用好少份量都夠搽面 , 不過如果開冷氣瞓覺就唔係好夠滋潤 ,

所以加多個 sleeping mask 就會好d , 夠保濕 , 早上用就唔需要喇 .

歡迎留言or email to [email protected]