對對對~ 朱迪已經過了青春期了。

青春固然令人難忘，它代表著無限可能、熱血、輕狂。

有時都會諗，如果番去青春嘅年代，朱迪會做經歷番d咩呢?

答案係:多到數唔哂~ haha

但唯一一樣朱迪最唔想再經歷嘅係 :

青春痘@@

而家，雖然唔會再好似青春時咁“痘痘旺盛”，但有時候轉天氣、經期前同壓力都依然會有“痘痘危機”。

所以，屋企總不能缺少一d裝備隨時抗痘啦~

而朱迪今次要介紹嘅，就係唻自法國嘅「PAPULEX百倍麗3重抗痘機制 」

「PAPULEX百倍麗深層潔膚啫哩」(左) & 「PAPULEX百倍麗控油調理霜」(右)

呢個品牌香港比較少見，上網做了少少reseach，先知原來佢來頭唔細。

唻自法國大藥廠，係新加坡、馬來西亞、泰國、菲律賓、澳洲都有market。而係台灣，亦有一d藥妝網賣緊呢個產品。

而且呢條line係Made in France!!! 來頭好勁呀!

而佢可以做到「3重抗痘機制 」係因為佢嘅高效成份 :

1)      專利成份Active ABA，有效抑制令皮膚生痘痘嘅細菌;

2)      維他命B3 (nicotinamide) 改善老廢角質堵塞情形，可於使用8星期後減少痘痘，幫助改善皮膚

3)      含有控油成份Zinc PCA，減少油脂、改善油光，維持肌膚油水平衡。

呢3重抗痘機制有效對抗痘痘，而且成份溫和，唔會對皮膚造成負擔。

咁就先由「PAPULEX百倍麗深層潔膚啫哩」試起啦~

「PAPULEX百倍麗深層潔膚啫哩」係不含皂性嘅 (Soap free)。

深層潔膚啫哩係有少少杰嘅gel，味道清爽，坦白講，有d似某大牌子嘅夏日清爽男士沖涼液。

而且除左面之外，佢亦可以當沖涼液用，證明佢嘅成份係好溫和嘅~ 絕對唔傷面部皮膚，而且用完唔會有太過崩緊嘅感覺。

朱迪都係第一次見呢個形式嘅密封法，減少包裝呢個PACKING都做得唔錯呀~

開封後，因為可以當沖涼液嘅關係，樽口較大，倒嘅時候份量有d難控制，要慢慢倒。

顏色有少少湖水綠色。（朱迪會用呢度一半嘅份量）

雖然可以係微濕嘅面上輕輕按摩到出泡，朱迪都會係手起泡先至上面。

係面部輕按嘅時候，要keep住塊面係濕濕地，唔夠水嘅話會有click住嘅感覺。但泡泡會愈推愈多，同埋d泡泡係幼細d嘅，可以深入毛孔做深層清潔。

洗面前，油份爆哂燈，亦都缺水。

洗面後，明顯見到控油效果唔錯。原來泛油光嘅位置變得乾爽。而水份、柔軟度亦提升左好多，油份就明顯減少。

而除左潔膚啫哩外，用埋「PAPULEX百倍麗控油調理霜」，除左深層清潔外，亦有不錯既控油效果~

「PAPULEX百倍麗控油調理霜」同樣MADE IN FRANCE，係無油配方，而且可以強制控

油。而且不含香料。

開封時有錫紙封好，保證安全衛生。

佢嘅質地係好杰嘅CREAM，我覺得似水狀嘅CLAY MASK，有少少難推，俾少少耐性就ok。

用手心呢個份量可以搽半面。

搽上面後，因為對佢嘅質地先入為主，好驚反而會塞毛孔爆得更多痘痘。

但連續用左5日(早晚各一次)，用完後都唔有被抽乾水份嘅感覺。

夜晚用完會覺得柔軟左。

朝早做完，係呢個潮濕嘅日子，就算日日化妝，都無咁易出油。

而朱迪最擔心嘅引發痘痘問題，亦都無事。

係用緊既時候，其中一日有粒痘痘谷得好快，但用左潔膚啫哩後，本身谷得好勁嘅痘痘仲係度（如果即刻無都幾驚~~ 哈哈~），見到係有穩定跡象嘅，無再發落去。

而夜晚用埋控油調理霜後，係第2朝，痘痘已經謝左，不過仲有紅紅地同腫腫地。效果非常OK喲!! 

「PAPULEX百倍麗3重抗痘機制 」真係幾唔錯喲~

可惜係，朱迪未見到邊度有得賣，見到一定通知大家~~^^

多謝收看，有問題或想happy sharing，歡迎email我喲~

~~~~~~~~~~~~~~~~~~~~~~~~~~~~~

★朱迪☆

Email : [email protected]

~~~~~~~~~~~~~~~~~~~~~~~~~~~~~