水漾潔淨Bifesta卸妝系列試用活動 - 用後感 by KarenPandaLee

平時我都會用防曬同底霜既 , 所以卸妝呢嫁野 ,

一定唔可以掉以輕心 , 因為卸得唔好 , 會攪到 d 皮膚差嫁 !

最近 kleelee 都開始學習喇 , 慢慢上網睇下資料 , 搵返一 d 岩自己用既卸妝液 ,

好開心今次可以試用 “ Bifesta 卸妝系列“ , 而且仲有 3 大支添 ! 真係可以慢慢試喇 !

水漾潔淨 Bifesta 卸妝系列

1. 速效卸妝潔膚水 (清爽型)

2. 全效保濕卸妝液

3. 高效眼部卸妝液

可以一次過試晒 3 種唔同 function 既產品 , 都幾好丫 ,

可以知道邊隻岩自己麻 , 而且仲可以了解多 d 卸妝產品 .

速效卸妝潔膚水 (清爽型) ($59/300ml)

保濕潔淨因子: 溫和並迅速地使毛孔深處的化妝品浮出表面，徹底潔淨。含綠茶萃取物，收緊毛孔，令肌膚柔滑細緻。含有透明質酸，用後水潤無綳緊感覺。

話明速效卸妝 , 梗係用來卸清淡妝喇 , 平時返工唔化妝 ,

我都會搽 Shiseido ~ 防曬底霜 , 顏色係 ivory , 同我既皮膚相近 ,

而且又唔係好深 , 應該輕輕一抹就會攪惦既 !

打開一睇 , 透明色 , 好淡既味 , 用泵裝設計 , 好方便 , 一按就 ok 喇 .

質地同水一樣 , 如果唔係有陣味我仲以為係水添 , 搽左薄薄一層底霜 ,

用左 2 次就可以卸晒喇 , 真係好快 , 而且用後面部都好乾爽 ,

因為我用既係清爽型 , 真係唔錯 , 有時出街 , 用個樽仔入 d 帶出去 ,

覺得 dirty 時都可以用來清潔一下面部 .

另外呢一款速效卸妝潔膚水仲有 “ 亮白型 “ 同 “ 緊緻型“ , 咁就可以搵到一款岩自己喇 !

全效保濕卸妝液 ($59/220ml)

以水為基礎的卸妝液，比一般卸妝油清爽溫和，再配合睫毛液溶解成分(油性)，一次過輕易溶解防水眼妝，同時蘊含透明質酸，徹底卸妝同時呵護肌膚。

透明色 , 有一陣淡淡香味 , 質地就比水杰 d , 因為比較似油 ,

直接倒上手 , 就按摩 , 等化妝品溶左就可以用清水過一過 .

今次就用左比較多既化妝品 , 有眼影 , 眉筆 , 唇膏再加埋底霜 ,

睇下係咪可以溶解晒先 . 首先同隻手化下妝 , 係咪好靚呢 ?

跟手就倒 d卸妝液落手 , 感覺唔油喎 , 好似水咁 , 岩岩倒時 ,

都見到 d 化妝品開始有 d 溶溶地喇 , 然後再用手摔下 ,

都已經甩得 7788 , 再用水沖下 , 過程都只係 10 幾秒就可以溶解晒 d 化妝品喇 ,

真係好犀利 , 用後面部好乾爽 , 不過皮膚好緊 , 要快快手搽返 d 爽膚水 , 皮膚至冇咁緊 .

高效眼部卸妝液 ($48/145ml)

以水為基礎的眼部產品，配合水溶性及油溶性雙重卸妝配方，徹底溶解化妝品於化妝棉上，重點卸除頑強眼妝，無需搓揉即完美卸妝，避免眼部幼嫩的肌膚及睫毛因磨擦而受損，性質溫和，卸妝同時護膚。

講明水 , 呢 set Bifesta 卸妝系列 , 真係質地同味都同水差唔多 ,

made in japan , 性質溫和 , 不含油分份 , 無香料 , 無添加色素 ,

無防腐劑 , 無酒精成份 , 並通過皮膚過敏測試 .

一支就有晒大家安心既野 , 真係試左 2 支都覺得唔錯 ,

e + 再試埋高效眼部卸妝液 , 睇下會唔會都係滿分先 .

因為 kleelee 好少化妝 , 所以得一千零一支既 mascara ,

用住支普通貨仔試下先喇 . 真係好犀利 , fu 落手一陣 , 一抹 ,

D mascara 就話咁快就甩晒喇 !

Overall , 呢 set Bifesta 卸妝系列真係好正 ! 快 , 靘 , 正 , 而且價錢真係好平 ,

$59 大大支 , 1 支起碼用到一個月 , 咁岩上星期同細妹食 lunch 傾計 ,

佢話一陣要去買支卸妝液 , 去到睇時 , 佢就係買呢隻 , 世事就係咁岩得咁橋 ,

原來細妹都咁識貨 , 佢話舊年買來用 , 因為佢成日出出入入 warehouse 執貨 ,

裡面有好多塵 , 攪到佢成日洗面 , 洗得多面部好油而且又乾 ,

所以佢就買支平平地用來抹下面 , 點知咁好用 , 就一路用到 E + ,

所以有時平野都有好野嫁 !

咁 hit 既 product , 連雜誌都有介紹丫 .