現今社會,好多時咩都講求速度
連化妝都有咩三分鐘返工妝教學
所以點會冇落妝份呢
試諗諗,由朝返工返到晚
食埋個飯返到屋企就當然想快手快腳咁整走個妝架啦!
就算唔返工,向星期六,日出街玩
玩到夜一夜返到屋企,咪又係同一想法
之唔係快D落妝之後就大被蓋個頭去瞓覺囉,嘻~

今次就試試呢三枝速效,全效同高效嘅Bifesta 有何出色之處吧
先試試這枝速效卸妝潔膚水
除了我手上呢枝清爽型之外
市面上亦有亮白型及緊握緻型以供選擇
它的買點係卸妝，潔膚，化妝水三合一

用時無須過水，因為含有化妝水關係
用過之後會有滋潤肌膚之效
從用法說明中說到為免沖走補濕成份而無需再用潔面產品這一點
的確就可以知道唔係講笑啦~

為了試一下它的卸妝效果
呢次我在手上搽左粉底再加上眼影及唇膏
之後再用沾了潔膚水的化妝棉去抺一下 

結果一開始第一塊已經輕易將眼影抺掉
跟住唇膏亦向第二塊已經KO 左
而最後粉底亦在三塊之內攪掂埋喇
可以見到第四塊已經只剩餘潔膚水了

另外我亦找來了眼線及睫毛液試一下
不過結果亦都係三塊化妝棉之內就可以卸得哂~
係睫毛液方面需要用一點力去抺幾下才卸得清潔啊 





而且用完之後手背亦沒有繃緊感覺之如
摸一下係出乎地咁滑,完全沒有黏立的感覺
保濕度仲有上升到添！
價錢亦相當大眾化，$59/300ml 



如果大家去旅行的話，亦可以選擇帶它啊！
一枝有哂卸妝，潔膚，化妝水功能
相信可以大大減輕保養品的包包呢~



同場亦試埋Bifesta家的全效保濕卸妝液同高效眼部卸妝液

前者同潔膚水一樣價格$59,不過容量就少了80毫升
用法當然同潔膚水不一樣啦
這枝卸妝液呈油與水之間,有一點點杰身
但又唔會給人很油的感覺
今次就用了粉底及眼影來做實驗



倒出適量嘅卸妝液
於塗了化妝品的手背上加以按摩
其實當時化妝品已經比卸妝液溶解哂
之後再過水,完全乾凈哂



此卸妝液產品亦算溫和
用後一樣沒有繃緊的感覺
但就沒有之前潔膚水可以令手背滑溜感
適合用於濃妝的Party 妝

最後試埋高效眼部卸妝液 $48/145ml
這是一枝同時有齊水加油的成份
可溶解頑固嘅睫毛液及眼線於化妝棉上,無需搓揉
而且卸妝液內蘊含維他命B及E
可以呵護睫毛同時又為眼部肌膚做到保濕作用

因為水油關係,用時先搖勻令水油混合

用沾有眼部卸妝液的化妝棉蓋上後輕壓幾下

而且眼部肌膚比較脆弱,應該保持乾淨狀態啊

嗶嗶!測試完畢
這三枝B字行頭分別以速度,全面及高效掛名
三枝都做得到想要的效果
而且價錢超級大眾化
全部都達標,全部我都喜歡

但如果一定要我選擇一樣的話…
嗯,我還是揀潔膚水吧
因為正中了我平時夜歸時的心聲
就係用一樣野就可以極速落妝跟住瞓覺囉