沒有難收的覆水
從來都只有洗濕了的頭髮，卻沒有已成的定局。頭髮始終會乾，然而，愛情卻歷久常新。
女友人話：「佢家陣飛咗我。我咩都冇喇！四年喇你明唔明？我真係好hurt好大陰影！」
「其實我都啱啱被拍拖三個月嘅男朋友飛咗，but you know girl，life must go on！」
「你三個月算得啲咩啊？你究竟明唔明啊？四年之後佢同我講要抖下啊！……」
牛皮燈籠，嘥氣。
拍過拖都知，頭三個月往往愛得死去活來，相當纏綿。我還未跟她說，他是因為結識了幾位樣貌品行都比我差的女性，所以毅然對我拋下一句：「分手啦！」。算吧，她不會明，拍了四年拖的男人，是需要一個體貼但識做的女朋友，而不是一個妄想做他老婆的pre-怨婦；拍拖三個月的男人，就只需要一打隨時侯命、新鮮感達200%的「淑女」。
道理是，你要懂得玩這個遊戲，先好討論自己是贏或者輸。即使你知道遊戲規則，每遇高手，亦隨時變成新手。萬一不幸，遇上專業玩家(Member)，可能被對方「捅咗一刀」都未知，依然乖乖地蒙在鼓裡！常言，「你係咩人就會識啲咩人」，皆出於you take one to spot one的道理。
對方不致電報到，實質便會是跟其他女孩在吃燭光晚餐、看電影！事實上，是因為歇根底兒你會這樣做，才會這樣project對方。再難忘的回憶；再多經歷的愛情，都可以fade-out，但沒有一段關係是不能回頭的。
「不如重頭嚟多次。」兩個月後他突然找我。
好馬不吃回頭草？若大家曾經有緣無份，
現在我信，會是一起共患難的時候。
