你係咪狂 CHECK 男/女朋友既敏感情人 ?
好多女仔會狂 CHECK 男友去到邊呀, 做緊咩呀咁, 原來都算係病...??我一個男仔 FD, 同佢食餐飯講真最耐咪2個鐘, 次次佢女朋友起碼會打 5-6 次電話來
問佢食咩呀 ? 食完未 ? 幾時返 ? {:21:}搞到好似通緝犯咁...成班 FD 面前又無面窩...
各位 SIS 真係最好唔好咁做啦 {:2:}...自己又辛苦, 男友又惡頂 ...
<誰是敏感情人？>
「電話點解打極都唔通？」「又唔覆我短訊？」
「電話接通，但係又收線！」
每當敏婷無法即時聯絡男友，腦海不期然出現上述疑問；情緒逐漸波動，有時更躲在洗手間飲泣。敏婷嘗試抖擻振作，再次投入工作。
過了一會，電話響起。「你知唔知我搵你好多次，做咩咁耐先覆？」
男友冷冷地道：「有咩咁大件事要打十幾次電話呀？電話無電咪打唔到囉，我宜家好忙，遲啲先傾啦！」
敏婷與男友的緊張關係，心理學理論稱之為「焦慮依附」（Anxious attachment）。她對男友的焦慮不安源於自幼缺乏安全感，不斷擔心被男友拋棄，極度敏感任何與「被拒絕」相關的信息，哪管是男友未能聯絡上或未能如期赴約。為了減輕這些不安情緒，她不斷聯絡對方或要求見面，此舉反令男友喘不過氣，加快結束這段感情。
與其相信伴侶會拋棄自己，不如先向所愛的伴侶投下信任，學習相處技巧，並與對方坦誠分享自己的顧慮，才是建立健康親密關係的良方。
轉自 etnet 經濟通 生活副刊
http://lifestyle.etnet.com.hk/column/index.php/family/psychology/13289
心晴百態 - 香港心理學會臨床心理學組
頁:
[1]