2012萬聖節 搞鬼科技好盞鬼
兩個都好似好吸引, 你地去邊間呀 ??萬聖節哈囉喂又嚟啦！又到香港兩大主題樂園搞鬼鬥法的時候！海洋公園的鬼屋已升級到5D，走上科技不歸路，沿路見到骷髏頭兜口兜面撞過來。又可做摩登道士，動一動眼睛將治鬼靈符貼住殭屍。
但迪士尼樂園死都唔放過你，搵殭屍大戰人狼，牠們可在魔鏡裏現身，樂園仲搞App俾大家加入殭屍和狼人的世紀大戰。
平日「卒」智能手機已「卒」到手軟，現在更加搞到鬼咁唔得閒！
[b]海洋公園：5D 鬼屋地獄路[/b]
大家唔好羨慕我可以到海洋公園殺入鬼屋先玩為快，太早去，反而只可體驗2間鬼屋，其餘6間都未ready，搵鬼睬你咩！
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1102AS.jpg[/img][/i][/p][p=30, 2, center][i]戴副立體眼鏡。呀!!!!! 忽然有隻鬼從牆裏走出來！[/i][/p]
我未落過地獄，但「5D地獄不歸路」一開始就係唔准拍照靈堂，反而令人最心寒，太逼真了。之後就有兩位道士遞個立體眼鏡俾你，一戴上，大家都好似變咗盲公陳咁。其實，人類最搞鬼，5D地獄用本地研發的CAVE 0.5立體投影系統科技，利用了兩部3D立體投影機，讓人走在立體的鬼世界，再配合嗅覺及現場鬼怪的互動驚嚇。體驗話我知，忽然你會見到骷髏骨頭飛到埋身。落到18層地獄，又點少得挖眼和勾脷筋，忽然有團友大叫：「誰噴口水？」哪有人噴口水？只係花灑輕輕噴了幾下咁啫！話說回來，我從來無聞到怪異的味。
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1102BS.jpg[/img][/i][/p][p=30, 2, center][i]都話唔飲你碗孟婆湯，要回家飲呀媽煲的老火湯。[/i][/p]
忽然又有個異形從貼滿靈符的牆上伸出來，其實，最嚇人的不是科技製造出來所謂驚嚇效果，而係忽然在角落頭走個人唔似人，鬼唔似鬼的非人非鬼，嘩一聲，來嚇你。有個阿婆遞碗湯過來，叫你飲孟婆湯，我們當然無人飲湯，大家都係等收工回家飲阿媽煲嘅老火湯。
[b]做個摩登道士[/b]
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1102DS.jpg[/img][/i][/p][p=30, 2, center][i]古墓凶靈最重要的古墓都未開，真係古墓空零。[/i][/p]
之後去「古墓凶靈」， 據講要在多點觸控桌上一同尋找虛擬魔法石，及發掘圖騰後把石門打開，就可入墓尋寶。但搵到門路都無用，原來當日古墓未ready。唓！空驚喜一場！一心來被鬼嚇，卻變成被鬼玩。另外6間鬼屋，據講有「鬼魅冥婚大殿」、「全院『嚇』滿」、「黑暗末世紀」、「香港靈異禁區」和「末日巨星瘋狂匯」。鬼屋一直是海洋公園的招牌搞鬼玩意，非常受歡迎，在本月底推出App ，遊客可查閱各鬼屋的輪候時間，資料每15分鐘更新一次。
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1102CS.jpg[/img][/i][/p][p=30, 2, center][i]將視線追住殭屍，自然會出現一道治鬼靈符貼殭屍置於死地。[/i][/p]
最後，大家走去玩「鬼眼滅魔門」遊戲，似電話亭咁大的Game Booth，裏面放有一部電視，setting好簡單，但這個遊戲的賣點，原來是全球首個引入醫療界的技術，利用眼球追蹤鬼怪。當你望實畫面上的殭屍出來，你的視線追住隻殭屍，自然會有治鬼靈符出現，仲貼住殭屍，佢game over。但係有好多隻殭屍出現，你要手快囉！都係嗰句，人比鬼怪更恐怖，心魔比鬼怪更難降伏。去除心魔，就無有怕。
[b]十月大潮聖[/b]
[b]日期：[/b]9月21-23日、28-30日；10月1、 5-7、12-14、 18-22、25-28日及31日。
[b]時間：[/b]5:30pm-12mn
[b]門票：[/b]哈囉喂「輕量級」門票（不設鬼屋入場）成人$180起、小童$90起；至尊門票（夜場及無限次利用快線入口）成人$480起、小童$240。夜間門票：成人$224起、小童$112起。
[b]網址：[/b][url=http://www.halloweenbash.com.hk]www.halloweenbash.com.hk[/url]（可在網上訂票）
[b]迪士尼樂園：魔鏡魔鏡鬼現形[/b]
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103AS.jpg[/img][/i][/p][p=30, 2, center][i]在美國小鎮大街，一入夜，狼人族和殭屍黨就出來正面交鋒。[/i][/p]
今年迪士尼的黑色世界由殭屍和人狼擔當主角，仲有全新的「詭墳學院」推波助瀾。殭屍和人狼兩大魔黨透過「魔鏡」和智能手機App「收o靚」增加自己的黑色勢力，而學院以非常鬼怪手法為兩大魔黨培訓黑色新世代。見到樂園的人玩得咁開心，就知原來墮入黑色力量真係好鬼易。
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103ES.jpg[/img][/i][/p][p=30, 2, center][i]詭墳學院的外形陰森，你夠膽就入去啦。[/i][/p][p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103BS.jpg[/img][/i][/p][p=30, 2, center][i]在魔鏡拿著AR Tee照一照，殭屍即現形。[/i][/p]
原本以為走入商店買東西，最多都是荷包出血，原來仲會俾人狼和殭屍征服。T-shirt是AR Tee，拿到鏡前度一度身，那塊「黑色世界魔鏡」，正好跟AR Tee搭上陣線，不久，有牙的殭屍就在鏡前出現；去拿另一件，兇惡的人狼又現形。鬼怪可以咁無孔不入，係運用「擴張現實」Augmented Reality （AR）進駐到黑色世界魔境，而人狼和殭屍就一早潛藏在AR Tee裏面，只要遇上魔鏡，它們就現形。它們也不放過小朋友，童裝的特別版米奇系列，可能有大大小小的南瓜仔現形，造型可愛，總算有小小良心。
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103DS.jpg[/img][/i][/p][p=30, 2, center][i]在火箭餐廳外的魔鏡照相機，它更將靚女團友變成殭屍，最後當然拍下照片。[/i][/p][p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103CS.jpg[/img][/i][/p][p=30, 2, center][i]今年「整鬼化妝間」推出全新的半妝，每位$70，需時10-15分鐘。[/i][/p]
在明日世界火箭餐廳外的 「整鬼化妝間」，只要你是「奇妙處處通」會員，在那塊鏡旁擦一擦會員卡，在鏡前拿著AR Tee，不久現出鬼怪，會拍下變成人狼或殭屍的靚樣，那張相片可於「奇妙處處通」專頁下載。
轉自 etnet 經濟通 生活副刊
http://lifestyle.etnet.com.hk/column/index.php/life/travelling/12890
[b]鬼怪力量擴散[/b]
別以為在樂園跟人狼或殭屍打完交道就可以拍拍屁股走人。你買下的AR Tee，回到屋企也一樣可以現形，只要下載相關的程式，就可在家中透過電腦的視訊攝影鏡頭，向親人好友展示你AR的鬼怪模樣。另外由今日（9月20日）開始，於iPhone App Store或Google Play Store下載，「黑色聯盟戰」App，便可隨時連線作戰。
[b]學院將人變鬼[/b]
[p=30, 2, center][i][img]http://lifestyle.etnet.com.hk/column/images/stories/142/2012/09/HKET20120919C1103FS.jpg[/img][/i][/p][p=30, 2, center][i]圖書館管理員肥嬸成日叫我哋唔好嘈，其實最嘈係佢，Shut up ![/i][/p]
我們唔係魔界高材生的材料，但係都被人推入去「詭墳學院」，一入到去，就見到個陰森的班房，枱枱凳凳全部都識得「郁」……黑板前，站著一個好似小丑的人，佢個嘴被人用針線縫埋，好恐怖好可憐，再看黑板上寫滿的字，內容係：我唔會在課堂上傾偈。只係傾偈，使唔使縫住別人的嘴？之後，我們去圖書館，那裏掛住個Silence的牌，圖書館管理員肥嬸卻不停大力拍枱，叫我們收聲，她擺明係老屈。我們沿著陰森的路走，來到體操室，見到一個假人扮真人和一個真人扮假人在玩體操，氣氛恐怖，個真人成日講同一句話：「你哋唔好留低我……」聲音淒厲，他可能訓練得好辛苦，但又苦無機會逃出來。究竟係乜鬼學院，搞到學生人唔似人鬼唔似鬼？我們最後投懷殭屍和人狼的懷抱，走到美國小鎮大街，看殭屍黨和狼人族正面交鋒。其實萬聖節呢啲節日，笑住嚟驚係最好玩。 海洋公園去過好多次
今年可能去迪士尼 THANKS!~ 感謝分享 多謝分享~ THANKS FOR SHARING~ 多謝分享 thx~~thx~
頁:
[1]