真係好嬲呀﹗死賤男﹗
呢期好多講小三既野，講真，平日聽好多，但都係女人做人小三，大婆通常都好值得人同情。今次我想講，係我朋友個男朋友做人小三囉﹗你冇睇錯呀﹗係我朋友既男朋友呀﹗
我朋友同個男仔都拍左4-5年拖，一直都好sweet。人前人後我地都以為個男仔對個女仔好好。基本上，我地D朋友都玩埋一齊架啦﹗過時過節開大食會呀，有咩exhibition/電影/shopping etc etc都會一齊去。男仔既朋友變成女仔既朋友；女仔既朋友又變埋男仔既朋友，總之，大家既生活圈都好夾，佢兩個又冇嗌交既，總之就乜事都冇啦﹗
咁拍左幾年拖，咁大家都30歲人，就話傾下結婚D野啦。點知個男仔突然話要靜下，話結婚好大壓力喎﹗佢話要靜下，就成個幾月都唔出現，甚至連出business trip都唔通知聲個女仔喎﹗係日本仲要冇拿拿send 個message俾個女仔，話自己唔想同任何人一齊，話自己淨係想一人。
個女仔係好小鳥依人果d，個男朋友無端端話要「冷靜下」，佢已經喊到六神無主。搵佢又唔覆，真係好可憐囉﹗跟住見到個男仔Send D 咁既野嚟，梗係好灰啦﹗即刻問：「咁係咪要分手﹖你係咪想分手﹖咁分手囉﹗」個男仔即刻食住上﹗咪分手囉﹗
個女仔上去個男仔屋企，執返自己D野走。點知一打開部電腦，原來個男仔不斷媾緊第二個女仔囉﹗個男仔係設計師，所以整左好多「我地一定可以係咪一齊呀」果D咁既sweet sweet 野去追人﹗仲有好多一齊既相﹗平日係個女仔成日買野俾個男朋友，但係...果日個女仔見到，個男仔買左部成6千蚊既相機俾果個女仔囉﹗佢自己平時收D乜﹖冇囉﹗零呀﹗
其實個女仔一早懷疑個男仔同個女仔有路，因為見到佢成日like 個女仔既 instagram. 但係個男仔話：個女仔結左婚，有老公架﹗咁先繼續信個男仔﹗頂﹗咁而家真相大白啦﹗
佢地分左手啦，但係個男仔就公然同果個女仔，即係其他人既老婆呀﹗﹗上禮拜六去睇藝術節囉﹗仲叫人地個老婆block埋instagram. 以為d朋友唔會知送佢兩個既姦情﹗
而家個男仔，周圍同d朋友講，話係我朋友主動講分手喎﹗佢係無辜架喎﹗超無品囉﹗我朋友其實大可以公開果個女仔既身份 (已經有哂佢fACEBOOK，公司地址/電話/人名)，但係佢唔想玩咁大，唯有默默承受一切囉。
今次係我多事，睇唔過眼。先擺上嚟俾大家睇下﹗仲有，要俾大家睇下，小三唔係剩係得女人﹗男人都得﹗不過，係天真同蠢既男人囉﹗
阿pk男，你好白痴囉﹗你工作既圈子好細﹗Fashion界D人係型，但係唔係賤囉﹗人地有老公架﹗人地個老公又係設計師，但係搵得多過你囉﹗仲要久唔久送個Chanel 袋俾老婆﹗你唔好咁天真啦﹗你以為人地會同老公離婚去同你一齊﹖你放棄左一個小鳥依人，忠心耿耿既女朋友呀﹗你咩新鮮蘿蔔皮呀﹖你食屎啦﹗ 冷靜D先...
我明白你朋友好慘...不過你鬧個男人都冇於事無補
咪當係睇清楚個賤男囉
好過你個FD結埋婚,生埋仔先知 呢D情況, 好大機會個男仔會返轉頭搵返佢前女友 [quote]呢D情況, 好大機會個男仔會返轉頭搵返佢前女友
[size=2][color=#999999]FionaRilakkuma 發表於 2012-5-22 08:14 PM[/color] [url=http://lady.qooza.hk/forum/redirect.php?goto=findpost&pid=831346&ptid=29972][img]http://lady.qooza.hk/forum/images/common/back.gif[/img][/url][/size][/quote]
好認同﹗但係唔可以同我朋友講囉…我地一講，佢一定會等佢返轉頭﹗ [quote]好認同﹗但係唔可以同我朋友講囉…我地一講，佢一定會等佢返轉頭﹗
[size=2][color=#999999]bitchlulu 發表於 2012-5-23 10:32 AM[/color] [url=http://lady.qooza.hk/forum/redirect.php?goto=findpost&pid=831428&ptid=29972][img]http://lady.qooza.hk/forum/images/common/back.gif[/img][/url][/size][/quote]
唔唔.......快D識過第二個仲好 咁既男人不要啦, 搵個另一個仲好! 甘賤狗既既男人 不過你個fd早知道都係件好事 早d搵過更好的
頁:
[1]