韭黃瑤柱羹
[img]http://lifestyle.etnet.com.hk/column/images/stories/94/2011/12/0118S1.jpg[/img]恭喜發財！
韋太首先祝願各位，新年快樂！身體健康！萬事如意！
習慣每星期到訪《我家私房菜》的朋友，相信大家都知韋太會為大家分擔生活上的煩惱 … 就是每逢過時過節，韋太都會教授一些應節菜式。
一連幾個星期為大家準備團年飯菜式，今期適逢農曆新年，而再過3天就是年初七「人日」，當然要食餐好，好好慶祝自己及家人的生日！
有餸無湯當然不足夠，小朋友又不太喜歡只有湯一款的選擇。今次就改做一個非常足料的湯羹，保證大人及小朋友一定喜歡的。
[p=30, 2, center][img]http://lifestyle.etnet.com.hk/column/images/stories/94/2011/12/0118S2.jpg[/img][/p]
[b]材料 ( 8-12人用)：[/b]花膠 3隻(蒸軟身後切絲)、乾瑤柱 9粒(蒸軟身後撕成絲)、冬菇 3朵(浸軟切絲)、雞肉 150克(切絲)、叉燒 100克(切絲)、韭黃 100克(切成2-3吋長)、薑片 3片(切幼絲)、雞湯 2公升、清水 500毫升、浸瑤柱花膠水250毫升
[b]馬蹄粉水：[/b]馬蹄粉 100克、清水 120毫升
[b]醃雞絲調味料：[/b]生抽 1湯匙、砂糖 1/4茶匙、胡椒粉 少許、雞粉 1/4茶匙、清水 半湯匙、粟粉 1茶匙、麻油 1茶匙
[p=30, 2, center][img]http://lifestyle.etnet.com.hk/column/images/stories/94/2011/12/0118S3.jpg[/img][/p]
[b]做法：[/b]
1. 花膠提早1至2天用清水浸至軟身，早晚換水一次。
2. 冬菇及瑤柱可以提早一天用清水浸軟，浸冬菇及瑤柱的水留用。
3. 將冬菇、韭黃、叉燒、薑片及雞肉切絲，雞肉加入醃料醃30分鐘。
4. 將花膠、瑤柱及冬菇放入碗或碟內，加入浸的冬菇及瑤柱水一齊去蒸30分鐘，或至軟身。(蒸起的水留用)
5. 用大鍋將雞湯及浸瑤柱花膠水煲滾，將雞絲、花膠、瑤柱、冬菇絲及薑絲加入煲15分鐘，然後將叉燒絲加入，將火收慢，攪勻馬蹄粉水後，分數次慢慢加入湯內拌勻。
6. 待湯羹開始滾起時，才將韭黃加入煮1分鐘，試味即成。
[b]韋太小貼士:[/b]
1. 湯羹的稀杰度可以用馬蹄粉水去調較。
2. 可以改用豬肉絲代替雞絲。
轉自 etnet 經濟通 生活副刊
[url=http://lifestyle.etnet.com.hk/column/index.php/life/homecooking/8015]http://lifestyle.etnet.com.hk/column/index.php/life/homecooking/8015[/url] thanks for your sharing... 但係成屋人... 得我食韭黃!!! [quote]thanks for your sharing... 但係成屋人... 得我食韭黃!!!
[size=2][color=#999999]QOO1113 發表於 2012-1-27 04:10 PM[/color] [url=http://lady.qooza.hk/forum/redirect.php?goto=findpost&pid=807319&ptid=27544][img]http://lady.qooza.hk/forum/images/common/back.gif[/img][/url][/size][/quote]
其實…成屋人得我唔食韭黃{:4_27:} [b]回復 [url=http://lady.qooza.hk/forum/redirect.php?goto=findpost&pid=807880&ptid=27544]3#[/url] [i]rila88[/i] [/b]
咁... 都得... 好似幾好味, 得閒試下整先 ^^ 謝謝SIS分享 thx for sharing
頁:
[1]