李嘉欣親口承認懷孕
[attach]32[/attach]李嘉欣一直盛傳已懷孕4個月，昨日她腳踏3吋高跟鞋，出席「新浪微博一周年」活動，穿上鬆身裙的她，隱約見到腹部微隆，她昨終親口承認已成功造人，為許家傳宗接代。
大肚嘉欣昨日認真夠排場，由6名保安人員護駕為她開路，其經理人陳善之亦寸步不離，守候身邊。面對半百傳媒包圍，嘉欣顯得小心翼翼，還細細聲說：「好驚！好驚！」她其後表示：「其實對上一次出席The One商場活動嗰陣，已經知道懷孕，但係一直俾傳媒追訪，我覺得好唔方便。其實壓力都幾大，出街俾人跟，我又唔想對住大家講大話，但係日日跟，我辛苦，你哋又辛苦。我只希望能夠同家人靜靜哋一齊倒數小生命嘅誕生。」 問到是否已過了3個月「BB小器期」，故可以公布，她只笑而不答。
至於是否外傳的人工受孕，嘉欣沒有正面回答，只稱今次算是意外懷孕，之前她本來要去歐洲工作，順便訂了酒店度暑假，但知道有了身孕後，即取消所有計劃。問到老公有何反應，她笑說：「我話俾佢知嗰陣，佢喺公司。我話取消咗訂酒店，佢問我係咪病咗，我講件事佢知之後，佢停一停仍扮有型，之後淨係問：『係呀？』我知道佢其實好高興。(老公係咪會更加愛錫你？)好難喇！佢依家成日整蠱我，有一日睇到一隻戒指好靚，以前佢會立即買俾我，但係嗰日佢話我好快10隻手指會似香腸咁肥，都戴唔落，跟住就拉住我走。」
另外，之前一直有傳李嘉欣與奶奶因婚後未有所出而不咬弦，嘉欣昨日風騷地稱，老爺奶奶很支持她，兩老的一席話，更令她大受感動，「佢哋話生仔生女唔係由我哋決定，千祈唔好有壓力，生同唔生都冇所謂，只要兩個人生活開心就得。」嘉欣表示，打算留港待產，並會開刀分娩，她又大爆家人之中，最惡是其母親，之前拍了3個廣告已惹起媽媽的不滿，昨日出席活動又問過幾次，要是知她穿上3吋高跟鞋，更不知會有何後果，所以她怕很快會被母親「禁錮」，不讓她出來見人。
source: [url=http://www.am730.com.hk/article.php?article=24404&d=1279]http://www.am730.com.hk/article.php?article=24404&d=1279[/url] 佢個打扮好怪~~~~~ 我成日都覺得佢真係好貪$$$...
頁:
[1]